अहमदनगर । वीरभूमी- 16-Jan, 2022, 02:00 PM

मागील काही दिवसापासून अहमदनगर जिल्ह्यातील कोरोना बाधितांचा आकडा दुप्पटीने वाढत आहे. आज रविवारी जिल्ह्यात तब्बल 847 कोरोना बाधित आढळले आहेत. यामुळे नगरकरांची चिंता वाढली आहे.

आज आढळलेल्या बाधितांमध्ये नगर शहराचा उच्चांक कायम असून शहराची वाटचाल तिनशेच्या दिशेने सुरू आहे. तर राहाता तालुका शंभरी पार गेला आहे. त्याचप्रमाणे अपवाद वगळता इतर ठिकाणच्या आकडेवारीतही मोठी वाढ झाली आहे.

मागील काही दिवसापासून वाढत असलेल्या कोरोना बाधितांच्या आकड्यामुळे नगर जिल्ह्यातील उपचार सुरू असलेल्या बाधितांची संख्या शनिवारी 3461 एवढी होती. आजचा बाधितांचा आकडा पाहता आजही अ‍ॅक्टिव रुग्णांची संख्या चार हजार पार जाण्याचा अंदाज आहे.

आज रविवारी अहमदनगर जिल्ह्यात आढळलेल्या कोरोना बाधितांमध्ये जिल्हा रुग्णालयाच्या लॅबमधील तपासणीत 318, खाजगी प्रयोगशाळा तपासणीत 387 तर रॅपिड अँन्टिजेन चाचणी अहवालात 142 असे एकुण 847 कोरोना बाधित आढळले आहेत.

आज आढळून आलेली तालुकानिहाय आकडेवारी पुढीलप्रमाणे- नगर शहर 280, राहाता 109, अकोले 62, श्रीरामपूर 52, नगर ग्रामीण 48, भिंगार 47, कोपरगाव 36, इतर जिल्हा 34 राहुरी 29, पारनेर 28, संगमनेर 27, श्रीगोंदा 26, पाथर्डी 23, नेवासा 17,जामखेड 9, मिलटरी हॉस्पिटल 8, कर्जत 3, इतर जिल्हा 6, शेवगाव 3 असे कोरोना बाधित आढळून आले.

कोरोना रोखण्यासाठी प्रत्येक नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.