हिंदुहृदयसम्राट बाळासाहेब ठाकरेंच्या जयंतीदिनी शेवगावात प्रतिमापूजन
शेवगाव । वीरभूमी - 24-Jan, 2022, 10:01 AM
हिंदूहृदय सम्राट स्व. बाळासाहेब ठाकरे यांच्या जयंतीनिमित्त शेवगाव शहरातील क्रांती चौकात शिवसेना, युवा सेना यांच्यावतीने प्रतिमापूजन करण्यात आले. यावेळी सर्व पदाधिकारी व शिवसैनिकांनी संपुर्ण शेवगाव तालुका भगवामय करण्याची शपथ घेण्यात आली.
शहरातील क्रांती चौकात हिंदूहृदयसम्राट स्व. बाळासाहेब ठाकरे यांच्या जयंतीनिमित्त कार्यक्रमाचे आयोजन करण्यात आले. यावेळी पोनि. प्रभाकर पाटील, माजी तालुका प्रमुख कुसाळकर, भारत लोहकरे यांचे हस्ते प्रतिमेचे पूजन करुन अभिवादन करण्यात आले.
यावेळी शिवसेना नेते प्रा. शिवाजीराव काटे, युवासेना तालुकाप्रमुख शितलशेठ पुरनाळे, शिवसेना शहरप्रमुख अ‍ॅड. सिद्धार्थ काटे, तालुका संघटक महेश पुरनाळे, युवा सेना शहरप्रमुख महेश मिसाळ, उपशहर प्रमुख कानिफ कर्डीले, शिवसेना नेते पांडुरंग नाबदे, माऊली धनवडे आदीसह शिवसैनिक व सर्वपक्षिय कार्यकर्ते उपस्थित होते.
यावेळी सर्व पदाधिकारी व शिवसैनिकांनी संपूर्ण शेवगाव तालुका भगवामय करण्याची शपथ घेत समाजकारणाचा वसा पुढे घेऊन जाण्याचा निर्धार केला. तसेच तालुक्यातील तरुणांनी शिवविचार जोपासण्यासाठी शिवसेनेत सक्रिय होण्याचे आवाहन केले.
hXoMnJfQAidZzKD