अकोले । वीरभूमी- 20-Feb, 2022, 08:17 PM

अकोले तालुक्याचे सुपुत्र, दानशूर व्यक्तिमत्त्व, श्री महिला गृह उद्योग लीज्जत पापडचे कार्यकारी संचालक सुरेशराव कोते यांना कर्त्यव्यम प्रेरणा पुरस्कार जाहीर झाला आहे.

हा पुरस्कार कोते यांना त्यांच्या सामाजिक, शैक्षणिक व उदयोजकीय क्षेत्रातील महत्वपूर्ण योगदानाबद्दल भारतीय स्वातंत्र्याच्या अमृत महोत्सवी वर्षानिमित्त पुणे येथील कर्त्यव्यम सोशल फौंडेशन या संस्थेचा 2022 चा कर्त्यव्यम प्रेरणा पुरस्कार जाहीर झाला आहे.

या पुरस्काराचे वितरण मंगळवार दि. 22 फेब्रुवारी रोजी सकाळी 11 वाजता राजभवन मुंबई येथे राज्याचे महामहिम राज्यपाल भगतसिंग कोश्यारी यांच्या शुभहस्ते होणार आहे, अशी माहिती संयोजक व निवड समितीने दिली.