अहमदनगर । वीरभूमी - 26-Feb, 2022, 06:30 PM

महाराष्ट्राचे राज्यपाल भगतसिंह कोश्यारी यांच्या हस्ते अर्थ क्षेत्रातील उल्लेखनीय कामगिरी बद्दल श्रीरेणुकामाता मल्टीस्टेटचे चेअरमन डॉ. प्रशांत भालेराव यांना ‘टाइम्स अपलॉड ट्रेंडसेटर्स 2022’ पुरस्कार गुरुवारी सायंकाळी प्रदान करण्यात आला.

राजभवन, मुंबई येथे राज्यपाल भगतसिंह कोश्यारी यांच्या हस्ते गुरुवारी विविध क्षेत्रात नाविन्यपूर्ण तसेच उल्लेखनीय कार्य करणार्‍या 33 व्यक्तींना ‘टाइम्स अपलॉड ट्रेंडसेंटर्स 2022’ पुरस्कार प्रदान करण्यात आले.

राजभवन येथे झालेल्या या कार्यक्रमाला पार्श्वगायक कुमार शानू, लाईव्ह शाला एज्युकेशन प्रायव्हेट लिमिटेडचे सरीत अगरवाल, टाइम्स अपलॉडचे संचालक सुनील पांडे व तौशिफ़ पटेल प्रामुख्याने उपस्थित होते.

याप्रसंगी श्रीरेणुकामाता मल्टीस्टेटच्या वतीने 9 राज्यातील 113 शाखांच्या माध्यमातून सर्वसामान्य नागरिकांना आर्थिक दृष्ट्यासक्षम केल्याबद्दल चेअरमन डॉ. प्रशांत भालेराव यांना गौरवण्यात आले.

हा पुरस्कार मिळाल्या बद्दल डॉ. भालेराव यांचे विविध स्तरातून अभिनंदन होत आहे.