एक जखमी । दुचाकीला अज्ञात वाहनाची धडक
पाथर्डी । वीरभूमी- 14-Nov, 2022, 12:42 AM
दुचाकीवरून चाललेल्या तीघां मित्रांना अज्ञात वाहनाने धडक दिल्याने या अपघातात दोघांचा मृत्यू झाला तर एकजण गंभीर जखमी झाला. हा अपघात सुसरे ते अमरापूर रोडवरील म्हसोबा वस्ती जवळ शनिवारी रात्री साडेआठच्या सुमारास घडला.
या अपघातात नामदेव बबन आठरे (वय 28) व विजय मारुती मिसाळ (वय 22, दोघे रा. सुसरे, ता. पाथर्डी) हे दोघे मयत झाले तर आदेश शेषराव कंठाळी (वय 21, रा. सुसरे) हा गंभीर जखमी झाला आहे.
शनिवार दि. 12 रोजी रात्री 10.30 वाजेच्या दरम्यान वरील तिघे मित्र दुचाकीवरून सुसरे येथे जात होते. दरम्यान अमरापूर ते सुसरे रोडवरील म्हसोबा वस्ती जवळ दुचाकीला अज्ञात वाहनाने धडक दिली. या अपघातात नामदेव आठरे व विजय मिसाळ हे ठार झाले तर आदेश कंठाळी हा गंभीर जखमी झाला. त्याच्यावर खाजगी हॉस्पिटलमध्ये उपचार सुरु आहेत.
अपघात घडल्यानंतर वरील तिघांना शेवगाव ग्रामीण रुग्णालयात दाखल करण्यात आले. मात्र तेथील डॉक्टरांनी आठरे व मिसाळ यांचा उपचारापूर्वीच मृत्यू झाल्याचे सांगितले. तर जखमी आदेश कंठाळी याच्यावर खाजगी हॉस्पिटलमध्ये उपचार सुरु आहेत.
या अपघाताच्या घटनेनंतर सुसरे गावावर शोककळा पसरली आहे. या घटनेचा पुढील तपास पाथर्डी पोलिस करत आहेत.
aWneDwdGmstEvcz