स्थानिक गुन्हे शाखेला मोठे यश
शेवगाव । वीरभूमी - 25-Jun, 2023, 10:41 AM
शेवगाव शहरातील आडत व्यापारी गोपीकिशन बलदवा व त्यांच्या भावजयी पुष्पा बलदवा यांची हत्या करणारा आरोपीला पकडण्यात पोलिसांना यश आले आहे. बदलवा यांचा मारेकरी छत्रपती संभाजीनगर जिल्ह्यातील बीडकिन येथून जेरबंद केला असून या हत्याप्रकरणात अजुन कोणाचा सहभाग आहे का? याची पोलिस पडताळणी करत आहेत.
शुक्रवारी पहाटे 4 ते 5 वाजेच्या दरम्यान शेवगाव शहरातील आडत व्यापारी गोपीकिशन बलदवा व त्यांच्या भावजयी पुष्पा बलदवा यांचा खून करुन तब्बल 4 लाख 95 हजार रुपये किंमतीचा ऐवज घेवून पसार झालेला मारेकरी बीडकिन (ता. पैठण) येथून जेरबंद करण्यात पोलिसांना यश आले आहे.
बलदवा यांच्या हत्येनंतर पोलिस अधिक्षक राकेश ओला यांनी दोन पथके तयार करुन आरोपीच्या शोधासाठी रवाना केले होते. यातील स्थानिक गुन्हे शाखेच्या पथकाने 36 तासात आरोपीच्या मुसक्या आवळल्या आहेत. मात्र या प्रकरणात एकच आरोपी आहे की आणखी आरोपींचा सहभाग आहे याबाबत पोलिस पडताळणी करत आहेत.
पकडण्यात आरोपी हा बीडकिन (ता. पैठण) येथील असून त्याने या अगोदर अशाच प्रकारे हत्या करुन चोरी केल्याचा पोलिसांना संशय आहे. तो चारचाकी छोटा हत्ती वाहनातून येवून चोरी व हत्या असे प्रकार करत असल्याचा पोलिसांना संयश आहे.
बलदवा यांच्या हत्येच्या घटनेनंतर सर्वस्तरातून घटनेचा निषेध करण्यात येत आहे. शेवगाव शहरातील व्यापार्‍यांनी स्वयंस्फूर्तीने कडकडीत बंद पाळून घटनेचा निषेध केला होता. तर माहेश्वरी समाज, व्यापारी, सर्वपक्षिय नेते व ग्रामस्थ यांनी तहसील कार्यालयावर मूक मोर्चा काढून आरोपीला अटक करण्याची मागणी केली होती.
pxdSXlyvHwBNsOjP