अहिल्यानगर । वीरभूमी- 27-Oct, 2024, 01:01 PM

राष्ट्रवादी अजित पवार गटाने आज विधानसभा निवडणुकीसाठी चार उमेदवारांची तिसरी याही प्रसिद्ध केली आहे. या यादीमध्ये खा. निलेश लंके यांच्या पत्नी राणी लंके यांच्या विरोधात राष्ट्रवादी अजित पवार गटाकडून काशिनाथ दाते यांच्या नावाची घोषणा करण्यात आली आहे. यामुळे पारनेर मतदारसंघातील लढत रंगणार आहे.

राष्ट्रवादी अजित पवार गटाने आज चार उमेदवारांची तिसरी यादी प्रसिद्ध केली. या यादीमध्ये गेवराई मधून विजयसिंह पंडित, फलटण मतदारसंघातून सचिन सुधाकर पाटील, निफाड मधून  दिलीपकाका बनकर आणि पारनेर मतदारसंघातून काशिनाथ दाते यांच्या नावाची घोषणा करण्यात आली आहे.

पारनेर विधानसभा मतदार संघात यापुवी महाविकास आघाडीच्यावतीने राणी लंके यांना राष्ट्रवादी शरद पवार गटाने उमेदवारी दिली आहे. यानंतर राणी लंके यांनी सुप्रिया सुळे यांच्या उपस्थितीत उमेदवारी अर्ज दाखल करुन प्रचारालाही सुरुवात केली आहे. महायुतीकडून पारनेर मतदारसंघातून कोणाला उमेदवारी मिळते याकडे लक्ष लागले होते.

राष्ट्रवादी अजित पवार गटाकडून पारनेर मतदारसंघातून काशिनाथ दाते यांना उमेदवारी जाहीर करण्यात अली आहे. यामुळे येथे राष्ट्रवादी शरद पवार गटाच्या राणी लंके विरुद्ध राष्ट्रवादी अजित पवार गटाचे काशिनाथ दाते यांच्यात लढत रंगणार आहे.

उमेदवारी जाहीर झाल्यानंतर काशिनाथ दाते समर्थकांनी फटाके फोडून जल्लोष साजरा केला. आता उमेदवारी अर्ज दाखल करण्यासाठी दोन दिवसाचा कालावधी राहीला आहे.