पाथर्डी । वीरभूमी- 11-Dec, 2020, 12:00 AM

पाथर्डी तालुक्यातील 107 ग्रामपंचायतीच्या सन 2020 ते 2025 मध्ये होणार्‍या सार्वत्रिक निवडणुकांकरीता सरपंच पदासाठीची आरक्षण सोडत मंगळवार दि. 15 डिसेंबर 2020 रोजी सकाळी ठिक 11 वाजता पाथर्डी तहसील कार्यालयात काढण्यात येणार असल्याची माहिती तहसीलदार शाम वाडकर यांनी प्रसिद्धीपत्रक दिली आहे.

तालुक्यातील 107 ग्रामपंचायतीच्या सरपंच पदाचे आरक्षण सोडत मंगळवारी पाथर्डी तहसील कार्यालयात होणार असून या सभेच्या अध्यक्षतेस्थानी प्रांताधिकारी देवदत्त केकाण हे असणार आहेत.

आगामी होणार्‍या ग्रामपंचायत निवडणुकीच्या दृष्टीने अनेक इच्छुकांच्या नजरा या आरक्षण सोडतीकडे लागून राहील्या होत्या. आता त्याची प्रतिक्षा संपली असून आपल्या सोईप्रमाणे सरपंच पदाचे आरक्षण निघावे, यासाठी अनेकांनी देव पाण्यात ठेवले आहेत. मात्र यामध्ये कोणाची लॉटरी लागते व कोणाचा हिरमोड होतो हे मंगळवारीच समजणार आहे. या आरक्षण सोडतीनंतर ग्रामपंचायत निवडणुकीच्या इच्छुकांच्या हालचालींना वेग येणार आहे.