अकोले । वीरभूमी - 20-Jan, 2021, 12:00 AM

माजी मंत्री व अखिल भारतीय आदिवासी विकास परिषदेचे राष्ट्रीय कार्याध्यक्ष मधुकर पिचड यांना लीलावती रुग्णालयात दाखल केले होते. मात्र त्यांची तब्येत ठणठणीत असून ते वरळी येथील निवासस्थानी आराम करत आहे.

त्यांच्या भेटीसाठी आज सकाळी माजी मुख्यमंत्री व विरोधी पक्षनेते देवेंद्र फडणवीस यांनी वरळी गाठले. यावेळी फडणवीस यांनी पिचड यांच्या प्रकृतीची चौकशी करत विविध विषयावर चर्चा करण्यात आली.

यावेळी माजी आमदार वैभव पिचड उपस्थित होते. अहमदनगर जिल्हा बँकेच्या निवडणुकीबाबत ही भेट महत्वाची समजली जात आहे. नगर येथे माजी आमदार कर्डिले, माजी मंत्री राधाकृष्ण विखे, जिल्हा बँकेचे अध्यक्ष सीताराम गायकर व जिल्ह्याच्या प्रमुख नेत्यांची काल सोमवारी बैठक झाली होती. या बैठकीला माजी आमदार वैभव पिचड हेही उपस्थित होते.