अहमदनगर । वीरभूमी - 25-Jan, 2021, 12:00 AM

जिल्हा सहकारी बँकेची रणधुमाळी सध्या सुरू आहे. उमेदवारी अर्ज दाखल करण्याच्या आजच्या दिवशी शेवगाव-पाथर्डीच्या आमदार मोनिका राजळे यांनी विविध कार्यकारी सेवा सहकारी संस्था मतदारसंघातून आपला उमेदवारी अर्ज दाखल केला.

उमेदवारी अर्ज दाखल करण्यासाठी आ. राजळे यांनी मोठे शक्तीप्रदर्शन केले.

अहमदनगर जिल्हा सहकारी बँकेसाठी उमेदवारी अर्ज दाखलची प्रक्रीया सुरू आहे. उमेदवारी अर्ज दाखल करण्याच्या दिवशी शेवगाव-पाथर्डीच्या आमदार मोनिका राजळे यांनी विविध कार्यकारी सेवा सहकारी संस्था मतदारसंघातून आपला उमेदवारी अर्ज दाखल केला.

उमेदवारी अर्ज दाखल करण्याअगोदर शहरातील कोहिनूर मंगल कार्यालयात मतदारांशी संवाद साधला. यावेळी तालुक्यातील 79 मतदारांपैकी 71 मतदार उपस्थित होते.त्यानंतर शक्तीप्रदर्शन करत आपला उमेदवारी अर्ज निवडणूक अधिकारी द्गिविजय आहेर यांच्याकडे जमा केला.

यावेळी जि. प. सदस्य राहुल राजळे, जि. प. सदस्या संध्या आठरे, पाथर्डी भाजपाचे अध्यक्ष माणिक खेडकर, पंचायत समिती सभापती सौ. दौंड, उपसभापती मनिषा वायकर, पंचायत समिती सदस्य सुनील परदेशी, सुभाष केकाण, राहुल गवळी, जवखेडेचे सरपंच सचिन नेहुल, धनंजय बडे आदीसह कार्यकर्ते व मतदार उपस्थित होते.