अहमदनगर । वीरभूमी - 19-May, 2021, 12:00 AM

जिल्ह्यातील कोरोना बाधितांची संख्या घटत चालली असतांना अचानक आज तब्बल 1618 कोरोना बाधितांने आकडा वाढून आज 3779 कोरोना बाधितांची भर पडली आहे. तीन दिवसानंतर वाढलेल्या कोरोना बाधितांच्या आकडेवारीने सर्वांच्या चिंता वाढल्या आहेत.

तीन दिवसापासून कोरोना बाधितांची संख्या घटत चालल्याने दिलासा मिळत होता. मात्र आज बुधवारी मंगळवारपेक्षा 1618 बाधितांनी आकडा वाढून तो 3779 वर जावून ठेपला आहे. आज पुन्हा आकडा वाढल्याने पुन्हा चिंता वाढली आहे.

आज आढळलेल्या बाधितांमध्ये सर्वाधिक आकडा हा संगमनेरचा असून तो 617 एवढा आहे. तर या खालोखाल नेवासा 402, पारनेर 317, नगर ग्रामीण 264 असा क्रमांक लागतो. तर इतर सर्व तालुके शंभरच्या पुढे आहेत. यामुळे नगरकरांची चिंता पुन्हा वाढू लागली आहे.

आज बुधवारी आढळलेल्या बाधितांमध्ये जिल्हा रुग्णांलयाच्या चाचणी अहवालात 449, खाजगी प्रयोगशाळेतील तपासणी अहवालात 1968 तर अँटीजेन चाचणीत 1362 असे 3779 कोरोना बाधित आढळून आले.

आज आढळून आलेली आकडेवारी संगमनेर 617, नेवासा 402, पारनेर 317, नगर ग्रामीण 264, राहाता 264, अकोले 250, शेवगाव 234, श्रीगोंदा 209, पाथर्डी 192, नगर शहर 190, कर्जत 171, राहुरी 171, श्रीरामपूर 168, कोपरगाव 141, जामखेड 110, इतर जिल्हा 61, भिंगार कँटोन्मेंट 12, मिलटरी हॉस्पिटल 05, इतर राज्य 01 असे कोरोना बाधित आढळले आहेत.

नागरिकांनी विनाकारण घराबाहेर पडू नये, नियमित मास्क लावा, हात स्वच्छ धुवावे व शासनाने ठरवून दिलेल्या नियमाचे पालन करावे, असे आवाहन करण्यात येत आहे.