अहमदनगर । वीरभूमी - 04-Jun, 2021, 12:00 AM
अहमदनगर जिल्ह्यातील कोरोना बाधितांच्या आकडेवारीत आज मोठी घट झाली आहे. आज आढळलेल्या कोरोना बाधितांची संख्येमध्ये घसरण होऊन आज शुक्रवारी ती 771 वर आली आहे. मागील तीन महिण्यातील सर्वात सर्वात निच्चांकी आकडा असल्याने नगरकरांना मोठा दिलासा मिळाला आहे.
काल गुरुवारी एकुण रुग्णसंख्येत वाढ झाल्यानंतर आज पुन्हा 555 ने घट झाली आहे. आज आढळलेल्या बाधितांमध्ये सर्वोच्च स्थानावर श्रीगोंदा तालुका आहे. मात्र ती आकडेवारी 80 असल्याने दिलासा मिळाला आहे. विशेष म्हणजे आज सर्व तालुक्यात आढळलेल्या बाधितांची आकडेवारी दोन अंकी व 80 च्या आत आहे.
अनेक दिवसाच्या प्रतिक्षेनंतर दरदिवशी आढळणार्‍या कोरोना बाधितांचा आकडा कमी झाला आहे. नागरिकांनी असाच संयम ठेवला तर नगर जिल्हा लवकरच कोरोनामुक्त झालेला दिसेल. मात्र यासाठी सर्वांनी नियम पाळणे महत्वाचे आहे.
आज शुक्रवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 21, खाजगी प्रयोगशाळेतील तपासणी अहवालात 407 तर अँटीजेन चाचणीत 343 असे 771 कोरोना बाधित आढळून आले.
आज आढळून आलेली तालुकानिहाय आकडेवारी पुढील प्रमाणे- श्रीगोंदा 80, पारनेर 74, पाथर्डी 70, शेवगाव 63, श्रीरामपूर 62, कर्जत 54, राहुरी 54, नेवासा 48, संगमनेर 48, कोपरगाव 46, नगर शहर 44, अकोले 39, राहाता 35, नगर ग्रामीण 26, जामखेड 20, इतर जिल्हा 08 असे कोरोना बाधित आढळले आहे.
प्रत्येकाने संयम पाळत नियमित मास्क वापरणे, सोशल डिस्टिन्सिंग नियमाचे पालन करणे यासह शासकीय नियमाचे पालन केल्यास कोरोनावर आपण मात करू शकू, यासाठी सर्वांनी नियम पाळावेत.
eFDdEyhl