अहमदनगर । वीरभूमी- 14-Aug, 2021, 12:00 AM
अहमदनगर जिल्ह्यातील कोरोना बाधितांच्या आकड्याने शुक्रवारी उच्चांक केल्यानंतर आज शनिवारी जिल्ह्यातील एकुण आकडेवारीत घट झाली आहे. आज शनिवारी जिल्ह्यात एकुण 953 कोरोना बाधित आढळले.
गेल्या काही दिवसापासून कोरोना बाधितांची आकडेवारी कमी जास्त होत असतांना काल शुक्रवारी यामध्ये वाढ झाली होती. यामुळे चिंता व्यक्त केली जात असतांना आज शनिवारी यामध्ये थोडी घट झाली आहे. मात्र हा आकडा जास्त असल्याने चिंता कायम आहे.
आज आढळलेल्या बाधितांमध्ये नेहमीप्रमाणे संगमनेर टॉपवर असून शुक्रवारच्या तुलनेत आजच्या आकड्यामध्ये घट झाली आहे. मात्र अकोले तालुक्याची आकडेवारीत वाढ झाल्याने दुसर्‍या स्थानावर आला आहे. पारनेर तिसर्‍या क्रमांकावर असून शुक्रवारच्या तुलनेत आज आकडेवारी घटली आहे.
कोरोना संसर्ग टाळण्यासाठी नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.
आज शनिवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 132, खाजगी प्रयोगशाळेतील तपासणी अहवालात 438 तर अँटीजेन चाचणीत 383 असे 953 कोरोना बाधित आढळून आले.
आज आढळून आलेली तालुकानिहाय आकडेवारी पुढीलप्रमाणे- संगमनेर 144, अकोले 122, पारनेर 121, नगर ग्रामीण 81, शेवगाव 80, कर्जत 77, राहुरी 47, नगर शहर 45, राहाता 43, नेवासा 41, श्रीगोंदा 37, पाथर्डी 26, जामखेड 26, कोपरगाव 25, इतर जिल्हा 23, श्रीरामपूर 13, भिंगार 02 असे कोरोना बाधित आढळून आले.
ZvuphHEFcaLDsjC