अहमदनगर । वीरभूमी- 24-Aug, 2021, 12:00 AM

अहमदनगर (ahmednagar) जिल्ह्यात आज मंगळवारी एकुण 712 कोरोना (corona) बाधित आढळले. एकुण आकडेवारीत वाढ झाली असली तरी संगमनेर (sanganer), अकोले (akole) वगळता इतर तालुक्याची आकडेवारी शंभरच्या आत असल्याने दिलासा मिळत आहे.

आज आढळलेल्या कोरोना बाधितांमध्ये संगमनेरने दोनशेचा आकडा पार केला असून अकोले शंभरी पार आहे. तर पाथर्डी, श्रीरामपूर, कोपरगाव, शेवगाव तालुक्यातील आकडेवारी एक अंकावर आली असून भिंगार व मिलटरी हॉस्पिटलचा आकडा आज शुन्यावर आहे.

काल सोमवारी कोरोना बाधितांचा आकडा किंचितसा वाढल्यानंतर आज मंगळवारीही पुन्हा एकुण आकडेवारीत वाढ झाली आहे. वाढता आकडा रोखण्यासाठी नागरिकांनी विनाकारण घराबाहेर पडू नये, नियमित मास्क वापरावा. नियमित हात स्वच्छ धुवावे तसेच कोरोना नियमाचे पालन करण्याचे आवाहन करण्यात येत आहे.

आज मंगळवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 123, खाजगी प्रयोगशाळेतील तपासणी अहवालात 246 तर अँटीजेन चाचणीत 343 असे 712 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 235, अकोले 102, श्रीगोंदा 74, पारनेर 73, कर्जत 45, राहाता 43, नेवासा 35, नगर ग्रामीण 21, राहुरी 16, नगर शहर 14, इतर जिल्हा 12, जामखेड 10, पाथर्डी 09, श्रीरामपूर 09, कोपरगाव 07, शेवगाव 07 असे कोरोना बाधित आढळून आले.