अहमदनगर । वीरभूमी- 25-Aug, 2021, 12:00 AM

आज बुधवारी अहमदनगर (ahmedngar) जिल्ह्यातील एकुण आकडेवारीत थोडीशी वाढ झाली आहे. मंगळवारी जिल्ह्यात 712 कोरोना (corona) बाधित आढळले होते तर आज बुधवारी जिल्ह्यात 734 कोरोना बाधित आढळले आहे. कासवगतीने वाढणार्‍या आकडेवारीने चिंता वाढत आहे.

आज आढळलेल्या बाधितांमध्ये संगमनेर (sangamner), अकोले (akole) शंभरी पार आहे. यामध्ये संगमनेरची आकडेवारी घटली असून अकोलेची आकडेवारी 1 ने वाढली आहे. त्या खालोखाल श्रीगोंदा, पारनेर, शेवगावचा क्रमांक लागतो. काल मंगळवारी पाथर्डी कोपरगाव, श्रीरामपूर, शेवगाव या तालुक्यांची एक अंकी असलेली आकडेवारी पुन्हा दोन अंकावर गेली आहे.

गेल्या दोन-तीन दिवसापासून एकुण बाधितांच्या आकडेवारीत वाढ होत आहे. वाढता आकडा रोखण्यासाठी नागरिकांनी विनाकारण घराबाहेर पडू नये, नियमित मास्क वापरावा. नियमित हात स्वच्छ धुवावे तसेच कोरोना नियमाचे पालन करण्याचे आवाहन करण्यात येत आहे.

आज बुधवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 101, खाजगी प्रयोगशाळेतील तपासणी अहवालात 285 तर अँटीजेन चाचणीत 348 असे 734 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 147, अकोले 103, श्रीगोंदा 87, पारनेर 64, शेवगाव 47, कर्जत 44, नगर ग्रामीण 38, राहुरी 38, राहाता 34, नेवासा 31, पाथर्डी 27, नगर शहर 22, कोपरगाव 18, श्रीरामपूर 18, जामखेड 12, इतर जिल्हा 04 असे कोरोना बाधित आढळून आले.