अहिल्यानगर । वीरभूमी-  15 April, 2025

महाराष्ट्र राज्य शासनाच्यावतीने देण्यात येणारे ‘राज्यस्तरीय आदर्श ग्रामपंचायत अधिकारी’ पुरस्कार जाहीर झाले असून सन 2022-23 व सन 2023-24 चे पुरस्कार जाहीर केले आहेत. यामध्ये अहिल्यानगर जिल्ह्यातून यावर्षीचा पुरस्कार कासार पिंपळगाव (ता. पाथर्डी) ग्रामपंचायतीचे ग्रामसेवक प्रमोद आसाराम म्हस्के यांना तर मागील वर्षीचा पुरस्कार तिगाव (ता. संगमनेर) ग्रामपंचायतीचे ग्रामसेवक सतिष भाऊसाहेब गाडेकर यांना जाहीर झाला आहे.

राज्य शासनाच्यावतीने शासन निर्णयाद्वारे पुरस्कारार्थींची यादी आज जाहीर केली आहे. यामध्ये कोकण, पुणे, नाशिक, नागपूर, अमरावती, छत्रपती संभाजीनगर विभागातून मागील वर्षी 33 व यावर्षी 32 जणांची यादी प्रसिद्ध करण्यात आली आहे.

यावर्षीचा नाशिक विभागातून अहिल्यानगर जिल्ह्यातून ‘राज्यस्तरीय आदर्श ग्रामपंचायत अधिकारी’ पुरस्कार कासार पिंपळगाव (ता. पाथर्डी) ग्रामपंचायतीचे ग्रामसेवक प्रमोद आसाराम म्हस्के यांना तर मागील वर्षीचा पुरस्कार तिगाव (ता. संगमनेर) ग्रामपंचायतीचे ग्रामसेवक सतिष भाऊसाहेब गाडेकर यांना जाहीर झाला आहे.

लवकरच या पुरस्काराचे वितरण यशवंत पंचायत अभियान पुरस्कार वितरण सोहळ्यात ग्रामविकास मंत्र्यांच्या उपस्थित करण्यात येणार आहे. त्याच्या नियोजनासाठी एक समितीही स्थापन करण्यात आली आहे.

ग्रामसेवक प्रमोद म्हस्के यांना या अगोदर जिल्हास्तरीय आदर्श ग्रमसेवक पुरस्कारही मिळालेला आहे. त्यांनी या अगोदर कासार पिंपळगावला स्मार्ट ग्राम, निर्मलग्राम पुरस्कार मिळवून दिले आहेत. पुरस्कार मिळाल्याबद्दल ग्रामसेवक म्हस्के व गाडेकर यांचे सर्व स्तरातून अभिनंदन होत आहे.