तहसीलदार अर्चना पागिरे अपघातात जखमी

शेवगावच्या तहसीलदार अर्चना पागिरे यांच्या वाहनाला अपघात होऊन त्या जखमी झाल्या आहेत. हा अपघात आज सोमवारी दुपारी 12.30 वाजेच्या दरम्यान माका येथील खार्‍याचा ओढा येथे घडला.

याबाबत समजलेली माहिती अशी की, शेवगावच्या तहसीलदार अर्चना पागिरे या आज सोमवारी आपल्या खाजगी वाहनाने शेवगाव येथे जात होत्या.

त्या स्वतः वाहन चालवत येत असतांना माका ते निंबेनांदूर रस्त्या दरम्यान असलेल्या खार्‍या ओढ्याच्या वळणावर त्यांचा वाहनावरील ताबा सुटल्याने त्यांची कार ओढ्यात जावून अपघात झाला.

अपघाताची माहिती कळताच नागरिकांनी घटनास्थळी जावून मदतकार्य केले. अपघात झाल्याने तहसीलदार किरकोळ जखमी झाल्या आहेत. उपस्थितांनी तहसीलदार अर्चना पागिरे यांना बाहेर काढून पुढील उपचारासाठी रुग्णालयात पाठविण्यात आले.

तहसीलदार अर्चना पागिरे या किरकोळ जखमी झाल्या असून त्यांची प्रकृत्ती उत्तम असल्याचे उपचार करणार्‍या डॉक्टरांनी सांगितले.