मोहटादेवी गडावर शारदीय नवरात्रोत्सवाची पारंपरिक पद्धतीने घटस्थापना
सनई-चौघड्यांच्या मंगलमय निनादात नवरात्रोत्सवाला प्रारंभ; हजारो भाविकांची उपस्थिती
महाराष्ट्रातील लाखो भाविकांचे श्रद्धास्थान असलेल्या श्रीक्षेत्र मोहटादेवी गडावर शारदीय नवरात्रोत्सवाचा प्रारंभ भक्तिमय आणि मंगलमय वातावरणात झाला. देवस्थान समितीचे अध्यक्ष तथा धर्मादाय उपायुक्त नवनाथ जगताप आणि त्यांच्या सुविद्य पत्नी सौ. सुजाता जगताप यांच्या हस्ते पारंपरिक धार्मिक विधीनुसार घटस्थापना करण्यात आली. सनई-चौघड्यांचा व वाजंत्रीचा मंगलमय निनाद, देवीच्या जयघोषाने दुमदुमलेला परिसर आणि दर्शनासाठी उपस्थित भाविकांची गर्दी यामुळे मोहटागडावर भक्तीचा उत्साह अनुभवायला मिळाला.
शारदीय नवरात्रोत्सव हा आदिशक्तीच्या उपासनेचा, श्रद्धेचा आणि भक्तिभावाचा महत्त्वपूर्ण पर्व मानला जातो. नवरात्रोत्सवाच्या पहिल्या दिवशी घटस्थापनेला विशेष धार्मिक महत्त्व असल्याने मोहटादेवी गडावर आदल्या दिवसापासूनच उत्साहाचे वातावरण निर्माण झाले होते.
महाराष्ट्रातील विविध गावांमधून हजारो तरुण वाजतगाजत मोहटादेवी गडावर दाखल झाले. मोहटा शक्तिपीठावरून ज्योत प्रज्वलित करून ती आपल्या गावी नेण्याची परंपरा अनेक गावांमध्ये आहे. तेथे नवरात्रोत्सवादरम्यान देवीसमोर ही अखंड ज्योत प्रज्वलित केली जाते. या परंपरेनुसार आदल्या दिवसापासूनच हजारो तरुण मोठ्या उत्साहात आई जगदंबेचा जागर करत वाजतगाजत गडावर दाखल झाले होते.
आज सकाळी विधिवत पूजाअर्चा व पारंपरिक धार्मिक सोपस्कार पार पडल्यानंतर देवस्थानचे विश्वस्त, अधिकारी व कर्मचारी तसेच मान्यवरांच्या उपस्थितीत घटस्थापना करण्यात आली. सनई-चौघड्यांच्या मंगलध्वनीसह वाजंत्रीचा गजर आणि मंत्रोच्चाराने संपूर्ण गड परिसर भक्तिरसात न्हाऊन निघाला.
घटस्थापनेच्या मंगलमय सोहळ्यास देवस्थान समितीचे सर्व विश्वस्त उपस्थित होते. धार्मिक परंपरा व विधींचे पालन करून नवरात्रोत्सवाचा शुभारंभ करण्यात आला. यावेळी मोठ्या संख्येने भाविकांनी मोहटादेवीच्या दर्शनासाठी उपस्थिती लावली. आदिमायेच्या चरणी नतमस्तक होत भाविकांनी सुख, समृद्धी, आरोग्य आणि कुटुंबाच्या कल्याणासाठी प्रार्थना केली.
मोहटादेवी गडाला लाभलेली धार्मिक परंपरा आणि भाविकांच्या मनातील अढळ श्रद्धा यामुळे नवरात्रोत्सवाला विशेष महत्त्व आहे. उत्सवानिमित्त गडावर भक्तिमय वातावरण निर्माण झाले असून, देवीच्या दर्शनासाठी येणार्‍या भाविकांमध्ये मोठा उत्साह पाहायला मिळत आहे.
पारंपरिक पद्धतीने झालेल्या घटस्थापनेने श्रीक्षेत्र मोहटादेवी गडावरील शारदीय नवरात्रोत्सवाला मंगलमय सुरुवात झाली. देवीच्या जयघोषात आणि भक्तिमय वातावरणात पार पडलेल्या या सोहळ्यामुळे गड परिसरात धार्मिक चैतन्य निर्माण झाले आहे.
शारदीय नवरात्रोत्सव हा आदिशक्तीच्या उपासनेचा, श्रद्धेचा आणि भक्तिभावाचा महत्त्वपूर्ण पर्व मानला जातो. नवरात्रोत्सवाच्या पहिल्या दिवशी घटस्थापनेला विशेष धार्मिक महत्त्व असल्याने मोहटादेवी गडावर आदल्या दिवसापासूनच उत्साहाचे वातावरण निर्माण झाले होते.
महाराष्ट्रातील विविध गावांमधून हजारो तरुण वाजतगाजत मोहटादेवी गडावर दाखल झाले. मोहटा शक्तिपीठावरून ज्योत प्रज्वलित करून ती आपल्या गावी नेण्याची परंपरा अनेक गावांमध्ये आहे. तेथे नवरात्रोत्सवादरम्यान देवीसमोर ही अखंड ज्योत प्रज्वलित केली जाते. या परंपरेनुसार आदल्या दिवसापासूनच हजारो तरुण मोठ्या उत्साहात आई जगदंबेचा जागर करत वाजतगाजत गडावर दाखल झाले होते.
आज सकाळी विधिवत पूजाअर्चा व पारंपरिक धार्मिक सोपस्कार पार पडल्यानंतर देवस्थानचे विश्वस्त, अधिकारी व कर्मचारी तसेच मान्यवरांच्या उपस्थितीत घटस्थापना करण्यात आली. सनई-चौघड्यांच्या मंगलध्वनीसह वाजंत्रीचा गजर आणि मंत्रोच्चाराने संपूर्ण गड परिसर भक्तिरसात न्हाऊन निघाला.
घटस्थापनेच्या मंगलमय सोहळ्यास देवस्थान समितीचे सर्व विश्वस्त उपस्थित होते. धार्मिक परंपरा व विधींचे पालन करून नवरात्रोत्सवाचा शुभारंभ करण्यात आला. यावेळी मोठ्या संख्येने भाविकांनी मोहटादेवीच्या दर्शनासाठी उपस्थिती लावली. आदिमायेच्या चरणी नतमस्तक होत भाविकांनी सुख, समृद्धी, आरोग्य आणि कुटुंबाच्या कल्याणासाठी प्रार्थना केली.
मोहटादेवी गडाला लाभलेली धार्मिक परंपरा आणि भाविकांच्या मनातील अढळ श्रद्धा यामुळे नवरात्रोत्सवाला विशेष महत्त्व आहे. उत्सवानिमित्त गडावर भक्तिमय वातावरण निर्माण झाले असून, देवीच्या दर्शनासाठी येणार्‍या भाविकांमध्ये मोठा उत्साह पाहायला मिळत आहे.
पारंपरिक पद्धतीने झालेल्या घटस्थापनेने श्रीक्षेत्र मोहटादेवी गडावरील शारदीय नवरात्रोत्सवाला मंगलमय सुरुवात झाली. देवीच्या जयघोषात आणि भक्तिमय वातावरणात पार पडलेल्या या सोहळ्यामुळे गड परिसरात धार्मिक चैतन्य निर्माण झाले आहे.
