दिलासा ः कोरोना बाधितांचा आकडा दोन हजाराच्या आत

जिल्ह्यातील कोरोना बाधितांची आकडेवारीमध्ये घट होऊन अनेक दिवसाच्या प्रतिक्षेनंतर आज प्रथमच दोन हजाराच्या आत आली आहे. आज शनिवार दि. 22 रोजी जिल्ह्यात 1856 कोरोना बाधित आढळले. यामुळे नगरकरांना दिलासा मिळाला असून गेल्या चोवीस तासात 636 रुग्णांनी घट झाल्याची नोंद करण्यात आली आहे.

जिल्ह्यातील कोरोना बाधितांच्या आकडेवारीत सध्या हळु हळु घट होऊन लागल्याने नगरकरांना काहीअंशी दिलासा मिळत आहे. अनेक दिवसाच्या प्रतिक्षेनंतर आज प्रथमच एकुण आकडेवारीचा आकडा दोन हजाराच्या आत आली आहे. मात्र संगमनेरची आकडेवारीत वाढ होऊन ती 354 वर जावून ठेपली आहे.

आज आढळलेल्या कोरोना बाधितांमध्ये संगमनेर पाठोपाठ अकोले तालुक्याचा क्रमांक लागतो. त्याखालोखाल राहुरी 185, श्रीरामपूर 148, नगर शहर 126, पाथर्डी व पारनेर 116 अशी आहे. तर नेवासा, कर्जत, राहाता, श्रीगोंदा, कोपरगाव, शेवगाव, जामखेड या तालुक्यांची आकडेवारी शंभरच्या आत आली आहे.

आज शनिवारी आढळलेल्या बाधितांमध्ये जिल्हा रुग्णांलयाच्या चाचणी अहवालात 140, खाजगी प्रयोगशाळेतील तपासणी अहवालात 869 तर अँटीजेन चाचणीत 847 असे 1856 कोरोना बाधित आढळून आले.

आज आढळून आलेली आकडेवारी- संगमनेर 354, अकोले 204, राहुरी 185, श्रीरामपूर 148, नगर शहर 126, पारनेर 116, पाथर्डी 116, नगर ग्रामीण 95, नेवासा 92, कर्जत 91, राहाता 86, श्रीगोंदा 76, कोपरगाव 69, शेवगाव 47, जामखेड 28, इतर जिल्हा 22, भिंगार कँटोन्मेंट 01 असे कोरोना बाधित आढळले आहेत.

नागरिकांनी विनाकारण घराबाहेर पडू नये, नियमित मास्क लावा, हात स्वच्छ धुवावे व शासनाने ठरवून दिलेल्या नियमाचे पालन करावे, असे आवाहन करण्यात येत आहे.