दिलासादायक ः आजही बाधितांच्या आकडेवारीत घट

आज सोमवारी जिल्ह्यात एकुण 800 कोरोना बाधित आढळले आहेत. आज कोरोना बाधितांच्या रुग्न संख्येत तब्बल 143 ने घट झाली आहे. यामुळे नगरकरांना दिलासा मिळाला आहे.

गेल्या काही दिवसापासून जिल्ह्यातील कोरोना बाधितांची आकडेवारी वाढत असतांना आज आढळलेल्या आकडेवारीत 143 ने घट झाली आहे. मात्र बाधितांचा आकडा मोठा असल्याने चिंता व्यक्त केली जात आहे.

आज आढळलेल्या कोरोना बाधितांमध्ये संगमनेरने आपला प्रथम क्रमांक कायम राखला आहे. तर दुसर्‍या क्रमांकावर पुन्हा पारनेरने उडी घेतली आहे. तिसरा क्रमांक शेवगावने कायम ठेवला आहे. आज आढळलेल्या बाधितांमध्ये राहातामध्ये कमी म्हणजे 5 कोरोना बाधित आढळले तर भिंगारमध्ये शुन्य बाधित आढळल्याने दिलासा मिळत आहे.

कोरोना संसर्ग टाळण्यासाठी नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.

आज सोमवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 159, खाजगी प्रयोगशाळेतील तपासणी अहवालात 334 तर अँटीजेन चाचणीत 307 असे 800 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 126, पारनेर 117, शेवगाव 91, कर्जत 67, नगर ग्रामीण 66, नेवासा 62, पाथर्डी 54, श्रीगोंदा 49, अकोले 44, श्रीरामपूर 35, राहुरी 24, नगर शहर 23, इतर जिल्हा 14, कोपरगाव 12, जामखेड 11, राहाता 05 असे कोरोना बाधित आढळून आले.