बुधवारी पुन्हा आकड्याबरोबरच चिंता वाढली

अहमदनगर जिल्ह्याला गेल्या दोन-तीन दिवसापासून दिलासा मिळत असतांना आज बुधवारी कोरोना बाधितांचा आकडा वाढला आहे. यामुळे वाढत्या आकड्याबरोबर चिंताही वाढली आहे. आज जिल्ह्यात एकुण 871 कोरोना बाधित आढळले आहेत.

आज आढळलेल्या कोरोना बाधितांमध्ये संगमनेर तालुका पुन्हा टॉपवरच राहीला आहे. तर पारनेर पुन्हा दुसर्‍या स्थानावर आला असून शेवगाव व श्रीगोंदा तिसर्‍या स्थानावर आले आहेत. कोरोना बाधितांची एकुण आकडेवारी पुन्हा वाढली आहे. यामुळे नागरिकांनी काळजी घ्यावी.

कोरोना संसर्ग टाळण्यासाठी नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.

आज बुधवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 150, खाजगी प्रयोगशाळेतील तपासणी अहवालात 336 तर अँटीजेन चाचणीत 385 असे 871 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 158, पारनेर 136, शेवगाव 71, श्रीगोंदा 71, पाथर्डी 60, नेवासा 58, नगर ग्रामीण 47, अकोले 44, कर्जत 42, राहाता 42, नगर शहर 34, कोपरगाव 34, श्रीरामपूर 30, जामखेड 16, राहुरी 16, इतर जिल्हा 11, इतर राज्य 01 असे कोरोना बाधित आढळून आले.