दिलासादायक ः कोरोना बाधितांच्या आकडेवारीत घट

अहमदनगर जिल्ह्यातील कोरोना बाधितांच्या आकडेवारीत मंगळवारच्या तुलनेत घट झाली आहे. यामुळे काहीअंशी दिलासा मिळत आहे. आज बुधवारी जिल्ह्यात 758 कोरोना बाधित आढळले.

मंगळवारी जिल्ह्यातील एकुण बाधितांचा आकडा 953 वर गेला होता. आज यामध्ये थोडीशी घट झाली आहे. आज आढळलेल्या बाधितांमध्ये संगमनेर टॉपवरच आहे. मात्र सर्व तालुके शंभरच्या आत असून दिलासा मिळत आहे.

आज बुधवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 106, खाजगी प्रयोगशाळेतील तपासणी अहवालात 412 तर अँटीजेन चाचणीत 240 असे 758 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 97, पारनेर 73, राहाता 65, श्रीगोंदा 65, राहुरी 61, शेवगाव 57, नगर ग्रामीण 50, नेवासा 50, अकोले 49, कर्जत 47, कोपरगाव 35, पाथर्डी 34, जामखेड 23, श्रीरामपूर 23, नगर शहर 17, इतर जिल्हा 09, भिंगार 02, मिलटरी हॉस्पिटल 01 असे कोरोना बाधित आढळून आले.

कोरोना संगर्स रोखण्यासाठी नागरिकांनी नियमित मास्कचा वापर करावा, सोशल डिस्टन्सिंग नियमाचे पालन करावे. नियमित स्वच्छ हात धुवावे. शासनाने ठरवून दिलेल्या नियमाचे पालन करावे, असे आवाहन प्रशासनाच्यावतीने करण्यात येत आहे.