धक्कादायक ः पतीकडून पत्नीची हत्या

पारनेर तालुक्यातील जामगाव येथे पतीने पत्नीची हत्या करून पळून गेल्याची घटना आज उघडकीस आली. मयत पत्नी व आरोपी पती हे जोडपे मजुरीच्या कामासाठी जामगाव येथे आले होते.

घटनेतील मृत महिलेचे नाव शेवंता मच्छू नाईक (वय 45) व आरोपी पतीचे नाव मच्छू नाईक (दोघे रा. नागदारी, ता. अलिबाग, जि. रायगड) अशी आहेत.

याबाबत समजलेली माहिती अशी की, वरील दोघे पती-पत्नी पारनेर तालुक्यातील जामगाव येथील ठेकेदाराकडे सुमारे महिनाभरापासून मजुरीच्या कामासाठी आले होते. रविवारी नेहमीप्रमाणे सोबतचे मजुर कामावर निघून गेले.

कामावर निघून गेलेले मजुर जेवनासाठी दुपारी 12 वाजता झोपडीवर आले असता मच्छू नाईक व त्याची पत्नी कामावर का आले नाहीत? पळून गेले की काय म्हणुन सोबतचे मजुर त्यांच्या झोपडीमध्ये पाहायला गेले असता झोपडीमध्ये शेवंता मच्छू नाईक (वय 45) या मृतावस्थेत आढळून आल्या.

यावरुन मच्छू नाईक हा पत्नी शेवंता हिची हत्या करून पहाटे 5 वाजेनंतर पळून गेला. घटनेबाबत आसपासच्या व्यक्तींनी पारनेर पोलिसांनी माहिती दिली.

घटनेची माहिती कळताच पोलिसांनी इतर मजुरांकडून मच्छू नाईक याची माहिती घेऊन त्याच्या शोधासाठीच्या हालचालींना वेग दिला आहे.