कोयत्याने वार करत अल्पवयीन मुलीची सर्वांसमक्ष हत्या

लहान मुले खेळत असतांना अल्पवयीन मुलीची क्रुरपणे कोयत्याने वार करून हत्या करण्यात आली. ही घटना पुणे येथील बिबवेवाडी येथे आज सायंकाळच्या सुमारास घडली. या हत्याकांडाने एकच खळबळ उडाली आहे.

अल्पवयीन मुलीची हत्या ही एकतर्फी प्रेमातून झाल्याची शंका व्यक्त केली जात असून आरोपी हा नात्यातीलच असल्याचे सांगण्यात येत आहे. आरोपी हा मुलीची हत्या करत असतांना तेथे उपस्थित असलेल्या लोकांनी तेथून पळ काढला.

याबाबत समजलेली माहिती अशी की, पुण्यातील बिबवेवाडी येथील मैदानावर काही मुली कबड्डीचा सराव करत होत्या. त्या दरम्यान तेथे खेळत असलेल्या एका अल्पवयीन मुलीकडे तिघे जण आले. यातील एकाच्या हातात कोयता होता. हातात कोयता असलेल्या तरुणांने अचानक त्या अल्पवयीन मुलीवर सपासप वार केले.

थोड्याच वेळात मुलगी रक्ताच्या थारोळ्यात पडली. तरीही तो तरून त्या मुलीवर कोयत्याने सपासप वार करत होता. तो मुलीचे मुंडके शरीरापासून वेगळे करण्याचा प्रयत्न करत होता. कारण आरोपीने कोयतयाच्या साह्याने मानेवरच सपासप वार केले आहेत.

ही घटना खेळच्या मैदावरच झाल्याने एकच गोंधळ उडाला. अनेकांनी घटना पहाताच तेथून पळ काढला. मुलीची हत्या करणार्‍यांकडे कोयत्यासह एक पिस्तुलही होते. आरोपीने मुलीची हत्या केल्यानंतर हातातील पिस्तूल तेथेच टाकून पळ काढला.

या धक्कादायक घटनेने पुण्यासह अख्खा महाराष्ट्र हादरला आहे. ही घटना एकतर्फी प्रेमातून घडली असल्याचा अंदाज व्यक्त केला जात आहे. खुनाचे नेमके कारण समजू शकले नाही.