पुन्हा कोरोना बाधित आकड्यांचे सिमोल्लंघन

अहमदनगर जिह्यिातील कोरोना बाधितांच्या आकड्याने आज पुन्हा सिमोल्लंघन केले आहे. दोन दिवसानंतर आजच्या आकडेवारीत पुन्हा वाढ झाल्याने चिंता व्यक्त केली जात आहे. आज शुक्रवारी जिल्ह्यात एकुण 445 कोरोना बाधित आढळले आहेत.

आज आढळलेल्या बाधितांमध्ये संगमनेर तालुका 149 वर गेला आहे. त्याचप्रमाणे राहाता, पारनेर, नगर ग्रामीण, नगर शहर, श्रीगोंदा, कोपरगाव, अकोले, श्रीरामपूर येथील आकडेवारीत वाढ झाली आहे. तर इतर ठिकाणची आकडेवारी घटली आहे.

आज शुक्रवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 187, खाजगी प्रयोगशाळेतील तपासणी अहवालात 246 तर अँटीजेन चाचणीत 12 असे 445 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 149, राहाता 39, पारनेर 36, नगर ग्रामीण 31, नगर शहर 25, श्रीगोंदा 24, कर्जत 22, कोपरगाव 20, अकोले 16, श्रीरामपूर 15, शेवगाव 14, इतर जिल्हा 13, राहुरी 13, नेवासा 12, पाथर्डी 10, जामखेड 03, मिलटरी हॉस्पिटल 03 असे कोरोना बाधित आढळून आले.

जिल्ह्यातून कोरोना संसर्गाने सिमोल्लंघन करावे यासाठी प्रत्येकाने शासनाने ठरवून दिलेल्या नियमांचे पालन करणे गरजेचे आहे. यामध्ये नियमित मास्क वापरणे, सॅनिटायझरचा वापर करणे, सोशल डिस्टन्सिंग नियमांचे पालन करणे गरजेचे आहे.