चिंता वाढली ः कोरोना बाधितांच्या संख्येत पुन्हा वाढ

अहमदनगर जिल्ह्यातील कोरोना बाधितांची संख्या कमी होत असतांना आज मंगळवारी पुन्हा 103 ने वाढली आहे. आज मंगळवारी अहमदनगर जिल्ह्यात एकुण 200 कोरोना बाधित आढळले आहेत. यामुळे पुन्हा चिंता व्यक्त होत आहे.

सोमवारी अहमदनगर जिल्ह्यातील कोरोना बाधितांची शंभरच्या आत आली होती. मात्र आज पुन्हा 103 ने वाढ होत हा आकडा 200 वर पोहोचला आहे. आज आढळलेल्या बाधितांमध्ये कर्जत व पारनेरचा आकडा सर्वाधिक आहे.

सोमवारी शुन्य रुग्ण संख्या आढळलेल्या पाथर्डीत पुन्हा रुग्ण संख्या 6 वर आली आहे. पाथर्डी बरोबरच सुमारे सर्वच ठिकाणची आकडेवारीत वाढ झाल्याचे दिसत आहे.

आज मंगळवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 77, खाजगी प्रयोगशाळेतील तपासणी अहवालात 82 तर अँटीजेन चाचणीत 41 असे 200 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- कर्जत 24, पारनेर 24, राहाता 17, नगर ग्रामीण 16, राहुरी 16, श्रीगोंदा 16, कोपरगाव 15, संगमनेर 13, नगर शहर 12, अकोले 10, नेवासा 8, इतर जिल्हा 8, शेवगाव 8, पाथर्डी 6, श्रीरामपूर 4, जामखेड 2, मिलटरी हॉस्पिटल 1 असे कोरोना बाधित आढळून आले.

जिल्ह्यातील कोरोना बाधितांच्या आकडेवारीत घट होत असतांना आज पुन्हा वाढ झाली आहे. यामुळे चिंता व्यक्त होत आहे. नागरिकांनी मास्क, सॅनिटायझर, सोशल डिस्टन्सिंग नियमाचे पालन गरजेचे आहे.