काळजी घ्या ः कोरोना बाधितांचा आकडा वाढला

जिल्ह्यातील कोरोना बाधितांची आकडेवारी घटत चालल्याने दिलासा मिळत असतांनाच आज मंगळवारी एकुण आकडेवारीत वाढ झाली आहे. आज मंगळवारी जिल्ह्यात एकुण 144 कोरोना बाधित आढळल्याने चिंता व्यक्त होत आहे.

अहमदनगर जिल्ह्यातील कोरोना बाधितांच्या आकड्यामध्ये चढउतार सुरूच आहे. सोमवारी कोरोना बाधितांचा आकडा शंभरच्या आत म्हणजे 88 वर होता. मात्र आज मंगळवारी यामध्ये 56 ने वाढ झाली आहे. यामुळे चिंता व्यक्त केली जात आहे.

आज आढळलेल्या बाधितांमध्ये श्रीगोंदा तालुका टॉपवर असून येथील आकडेवारी 29 वर आली आहे. श्रीगोंद्याबरोबरच इतर ठिकाणच्या आकडेवारीतही काहीशी वाढ झाली आहे. मात्र आज शुन्यावर असलेल्या जामखेड तालुक्यांची आकडेवारी 4 वर आली आहे. तर भिंगारची आकडेवारी आज पुन्हा शुन्यावर आली आहे.

आज मंगळवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 66, खाजगी प्रयोगशाळेतील तपासणी अहवालात 41 तर अँटीजेन चाचणीत 37 असे 144 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- श्रीगोंदा 29, राहुरी 14, राहाता 13, नगर शहर 12, कोपरगाव 10, पारनेर 10, कर्जत 8, संगमनेर 8, नगर ग्रामीण 7, शेवगाव 6, नेवासा 5, इतर जिल्हा 5, पाथर्डी 5, अकोले 4, जामखेड 4, श्रीरामपूर 4 असे कोरोना बाधित आढळून आले.

जिल्ह्यातील कोरोना बाधितांच्या आकडेवारीत चढउतार कायम आहे. यामुळे नागरिकांनी विनाकारण घराबाहेर पडणे टाळावे, नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे, असे आवाहन करण्यात येत आहे.