काळजी घ्या ः कोरोना बाधितांचा आकडा वाढतोय

अहमदनगर जिल्ह्यातील कोरोना बाधितांचा आकडा मागील आठवड्यात शंभरच्या आत आला होता. मागील आठ दिवस कमी होत असलेला बाधितांच्या आकड्यामध्ये आज गुरुवारी वाढ झाली आहे. आज गुरुवारी जिल्ह्यात एकुण 110 कोरोना बाधित आढळल्याने चिंता व्यक्त होत आहे.

मागील काही दिवसापासून अहमदनगर जिल्ह्यातील कोरोना बाधितांची आकडेवारीत घट होत होती. मात्र आज गुरुवारी पुन्हा एकुण बाधितांच्या संख्येत वाढ झाल्याने चिंता व्यक्त होत आहे.

आज आढळलेल्या बाधितांमध्ये नगर ग्रामीणची आकडेवारी टॉपवर आहे. मात्र हा आकडा 12 असल्याने काहीअंशी दिलासा मिळत आहे. त्याखालोखाल श्रीगोंदा, राहुरी, राहाताचा क्रमांक लागतो. तर बुधवारी शुन्य संख्या असलेल्या संगमनेरचा आकडा 9 वर आला आहे.

मात्र सर्वच ठिकाणची आकडेवारी 12 च्या आतमध्ये असल्याने काहीअंशी दिलासा मिळत आहे. मात्र आकडा कमी असला तरी बुधवारच्या तुलनेत एकुण आकडेवारीत वाढ झाल्याने चिंता व्यक्त होत आहे.

काल बुधवारपर्यंत जिल्ह्यातील अ‍ॅक्टीव रुग्ण संख्या 677 वर आली आहे. तर कोरोनाने मृत्यू झालेल्यांची संख्या 7 हजार 78 वर पोहोचली आहे. त्यातच आता पुन्हा कोरोना बाधितांचा आकडा वाढल्याने चिंता व्यक्त होत आहे.

आज गुरुवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 36, खाजगी प्रयोगशाळेतील तपासणी अहवालात 48 तर अँटीजेन चाचणीत 26 असे 110 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- नगर ग्रामीण 12, श्रीगोंदा 12, राहुरी 11, राहाता 10, नगर शहर 9, संगमनेर 9, श्रीरामपूर 9, शेवगाव 8, कर्जत 7, पाथर्डी 6, इतर जिल्हा 5, नेवासा 4, अकोले 3, पारनेर 3, जामखेड 1, कोपरगाव 1 असे कोरोना बाधित आढळून आले. तर भिंगार, इतर राज्य व मिलटरी हॉस्पिटल येथील आकडेवारी शुन्यांवर आहे.

जिल्ह्यातील कोरोना बाधितांचा आकडा आटोक्यात असला तरी नारिकांनी शासनाने ठरवून दिलेल्या नियमांचे पालन करणे गरजेचे आहे.नागरिकांनी विनाकारण घराबाहेर पडणे टाळावे, नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे, असे आवाहन करण्यात येत आहे.