नगर जिल्ह्यातील या नगरपालिका व नगर पंचायतींना राष्ट्रीय पुरस्कार

जिल्ह्यातील अहमदनगर पालिकेसह देवळाली नगर पालिका, कर्जत नगरपंचायत व शिर्डी नगरपंचायतींना स्वच्छ सर्वेक्षण वर्ष 2021 चे राष्ट्रीय पुरस्कार मिळालेले आहेत.

यामध्ये देवळाली नगर पालिकेला नॉनअमृत स्वच्छ शहर, अहमदनगर महापालिकेला अमृत कचरामुक्त शहरांचे प्रमाणित 3 स्टार मानांकन पुरस्कार तर कर्जत नगरपंचायत व शिर्डी नगर पंचायतीला नॉनअमृत कचरामुक्त शहरांचे प्रमाणित 3 स्टार मानांकन पुरस्कार मिळाले आहेत.

या महानगरपालिका, नगरपालिका व नगर पंचायतींना नवी दिल्ली येथील विज्ञान भवन येथे केंद्रीय गृहनिर्माण तथा नगरविकास मंत्रालयाच्यावतीने स्वच्छ सर्वेक्षण-2021 चे राष्ट्रीय पुरस्कार वितरण करण्यात आले.

यावेळी राष्ट्रपती रामनाथ कोविंद, केंद्रीय गृहनिर्माण तथा नगरविकास मंत्री हरदिप सिंग पुरी, केंद्रिय गृहनिर्माण तथा नगरविकास राज्यमंत्री कौशल किशोर, छत्तीसगड़ राज्याचे मुख्यमंत्री, मनीपुर राज्याचे मुख्यमंत्री तसेच केंद्रीय गृहनिर्माण तथा नगरविकास सचिव दुर्गा प्रसाद मिश्रा हे मंचावर उपस्थित होते.

राष्ट्रीय स्तवरावरील उत्कृष्ट कामगिरी करणार्‍या शहरांना, नगरपालिकांना, लष्करी छावण्यांना राष्ट्रपती यांच्या हस्ते पुरस्कार प्रदान करून गौरविण्यात आले.

तर इतर पुरस्कार केंद्रीय मंत्री श्री पुरी यांच्या हस्ते वितरित करून गौरविण्यात आले. तसेच केंद्रीय राज्यमंत्री कौशल यांच्या हस्तेही पुरस्कार देऊन सन्मानित करण्यात आले.