शेवगाव बाजार समिती संचालकांचे अपघाती निधन

शेवगाव कृषी उत्पन्न बाजार समितीचे संचालक संजय सदाशिव शिंदे (वय 52, रा. जुने दहिफळ, ता. शेवगाव) हे अहमदनगरहून शेवगावकडे आपल्या बोलेरो जीपमधून जात होते.

शेवगावकडे जात असतांना तिसगाव ते वृद्धेश्वर कारखाना दरम्यानच्या रस्त्यावर वाहनावरील नियंत्रण सुटून बोलेरो जीप पलटी झाली.

हा अपघात आज रविवारी पहाटेच्या सुमारास घटला. बोलेरो पलटी झाल्याची माहिती कळताच परिसरातील नागरिकांनी व पहाटे फिरण्यासाठी येणार्‍या लोकांनी मदतकार्य केले.उपचारासाठी त्यांना तिसगाव येथील रुग्णालयात दाखल केले. दरम्यान संजय शिंदे यांचे अपघाती निधन झाले.

त्यांच्या पश्चात पत्नी, मुलगा, मुलगी, जावई, दोन भाऊ असा परिवार आहे. शेवगाव तालुक्यातील जुने दहिफळचे सरपंच म्हणुनही त्यांनी काम पाहिले. सध्या ते शेवगाव कृषी उत्पन्न बाजार समितीचे संचालक म्हणुन कार्यरत होते.

त्यांच्या निधनाने जुने दहिफळसह शेवगाव तालुक्यातून हळहळ व्यक्त होत आहे.