नगर जिल्ह्यात कोरोना विस्फोट

अहमदनगर जिल्ह्यातील कोरोना बाधितांचा आकडा झपाट्याने वाढत असल्याने चिंता व्यक्त केली जात आहे. आज मंगळवारी नगर जिल्ह्यात तब्बल 408 कोरोना बाधित आढळले आहेत. नगर जिल्ह्यातील कोरोना बाधितांचा आकडा दुप्पटी वाढू लागल्याने चिंता वाढत आहे.

मागील आठवड्यापासून कोरोना बाधितांचा आकडा वाढतचा असून गेल्या सात दिवसात तब्बल 1590 कोरोना बाधित आढळले आहेत. यामुळे उपचार सुरू असलेल्या रुग्णांची संख्या सोमवार पर्यंत 1306 एवढी होती. यामध्ये आज पुन्हा मोठी भर पडणार असल्याने चिंता व्यक्त केली जात आहे.

मागील आठवड्यात सोमवार दि. 3 जानेवारी रोजी उपचार सुरू असलेल्या रुग्णांची संख्या 346 एवढी होती. यामध्ये तब्बल चौपट वाढ झाल्याने हा आकडा सोमवार पर्यंत 1590 एवढा झाला आहे.

आज आढळलेल्या बाधितांमध्ये अहमदनगर शहराने शंभरचा आकडा पार करत उच्चांक गाठला आहे. दुसर्‍या स्थानी राहाता तर तिसर्‍या स्थानी इतर जिल्ह्याची आकडेवारी आहे. आज सुमारे सर्वच ठिकाणच्या आकडेवारीत मोठी वाढ झाल्याने चिंता वाढली आहे.

आज मंगळवारी अहमदनगर जिल्ह्यात आढळलेल्या कोरोना बाधितांमध्ये जिल्हा रुग्णालयाच्या लॅबमधील तपासणीत 156, खाजगी प्रयोगशाळा तपासणीत 174 तर रॅपिड अँन्टिजेन चाचणी अहवालात 78 असे एकुण 408 कोरोना बाधित आढळले आहेत.

आज आढळून आलेली तालुकानिहाय आकडेवारी पुढीलप्रमाणे- नगर शहर 126, राहाता 48, इतर जिल्हा 41, नगर ग्रामीण 39, श्रीरामपूर 18, अकोले 17, पारनेर 17, कोपरगाव 16, संगमनेर 15, शेवगाव 15, जामखेड 10, श्रीगोंदा 9, मिलटरी हॉस्पिटल 8, पाथर्डी 8, कर्जत 5, इतर राज्य 4, राहुरी 4, भिंगार 4, नेवासा 4 असे कोरोना बाधित आढळून आले.

वाढत्या कोरोना बाधितांमुळे चिंता वाढली असली तरी नागरिकांनी घाबरून न जाता काळजी घ्यावी. नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.