कोरोना बाधितांबरोबरच जिल्ह्याची चिंता वाढली

दिवसेंदिवस अहमदनगर जिल्ह्यातील कोरोना बाधितांच्या आकडेवारीत मोठी वाढ होत आहे. आज बुधवारी अहमदनगर जिल्ह्यात तब्बल 1247 कोरोना बाधित आढळल्याने चिंता व्यक्त होत आहे.

आज आढळलेल्या बाधितांमध्ये अहमदनगर शहराची आकडेवारी थोडीशी घटली असली तरी इतर ठिकाणची आकडेवारीत मोठी वाढ झाली आहे. आज आढळेल्या बाधितांमध्ये काही तालुक्यात दुपटीने वाढ झाली आहे. यामध्ये पाथर्डी, शेवगाव तालुक्यासह इतर तालुक्याचा समावेश आहे.

दररोज वाढत असलेल्या कोरोना बाधित आकड्यामुळे चिंता वाढत चालली आहे. यामुळे मंगळवार पर्यंत जिल्ह्यातील अ‍ॅक्टिव रुग्णांची संख्या 5926 वर पोहोचला होता. आजही मोठ्या प्रमाणात कोरोना बाधित आढळल्याने अ‍ॅक्टिव रुग्णांची संख्या साडेसहा हजाराच्या पुढे जाण्याची शक्यता आहे.

नागरिकांच्या बेजबाबदारपणामुळे जिल्ह्यातील कोरोना बाधितांची आकडेवारी वाढत आहे. यामुळे नागरिकांनी कोरोना प्रतिबंधक नियमांचे पालन करणे गरजेचे आहे. तसेच गर्दीच्या ठिकाणी जाणे टाळले पाहिजे.

आज बुधवारी अहमदनगर जिल्ह्यात आढळलेल्या कोरोना बाधितांमध्ये जिल्हा रुग्णालयाच्या लॅबमधील तपासणीत 666, खाजगी प्रयोगशाळा तपासणीत 292 तर रॅपिड अँन्टिजेन चाचणी अहवालात 289 असे एकुण 1247 कोरोना बाधित आढळले आहेत.

आज आढळून आलेली तालुकानिहाय आकडेवारी पुढीलप्रमाणे- नगर शहर 425, राहाता 110, श्रीरामपूर 83, पाथर्डी 73, श्रीगोंदा 73, पारनेर 63, इतर जिल्हा 55, कोपरगाव 49, शेवगाव 49, नगर ग्रामीण 49, नेवासा 42, राहुरी 39, अकोले 34, जामखेड 34, मिलटरी हॉस्पिटल 34, संगमनेर 17, भिंगार 7, इतर राज्य 6, कर्जत 5 असे कोरोना बाधित आढळून आले.

कोरोना रोखण्यासाठी प्रत्येक नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.