वृद्धेश्वर साखर कारखान्याची कामगार संघटना जाहीर

पाथर्डी तालुक्यातील आदिनाथनगर येथील वृद्धेश्वर सहकारी साखर कारखाना कामगार संघटनेच्या निवडी जाहीर करण्यात आल्या. संघटनेच्या अध्यक्षपदी बबन लवांडे, उपाध्यक्षपदी भाऊसाहेब राजळे, कार्याध्यक्षपदी देविदास म्हस्के तर खजिनदारपदी संदीप बलफे व सदस्यांच्या निवडी जाहीर करण्यात आल्या.

पाथर्डी तालुक्याची कामधेनू असलेल्या श्री. वृद्धेश्वर सहकारी साखर कारखान्याचे अध्यक्ष आप्पासाहेब राजळे यांच्या 79 व्या वाढदिवसाचे औचित्य साधत राष्ट्रीय साखर कामगार संघटनेच्या वृद्धेश्वर सहकारी साखर कारखाना येथील कामगार संघटनेची घोषणा करण्यात आली.

कामगार संघटनेच्या अध्यक्षपदी बबन लवांडे यांची तर उपाध्यक्ष म्हणुन भाऊसाहेब राजळे, कार्याध्यक्ष म्हणुन देविदास म्हस्के, खजिनदार म्हणुन संदीप बलफे तर सदस्य म्हणुन नितीन देवढे, गोपीनाथ म्हस्के, अरुण आमले, अशोक भराट, शिवाजी काकडे, भाऊसाहेब गर्जे, अशोक थिटे, बाबासाहेब खेडकर, भरत आठरे, शेषनारायण म्हस्के, अंकुश जगताप यांच्या निवडी करण्यात आल्या.

तसेच कामगार संचालक म्हणुन काकासाहेब खोजे यांची निवड जाहीर करण्यात आली. यावेळी संघटनेच्या नूतन पदाधिकार्‍यांचा कारखान्याचे अध्यक्ष आप्पासाहेब राजळे, आ. मोनिकाताई राजळे, कारखान्याचे उपाध्यक्ष रामकिसन काकडे, संचालक राहुलदादा राजळे यांच्या हस्ते सत्कार करण्यात आला.

यावेळी प्रभारी कार्यकारी संचालक आर. जे. महाजन, जे. आर. पवार, भाजपाचे शेवगाव तालुका अध्यक्ष ताराचंद लोढे, माजी नगराध्यक्ष अभय आव्हाड, नितीन पवार, विनायक म्हस्के, एस. टी. राजळे यांच्यासह कारखान्याचे सर्व संचालक, विभाग प्रमुख, अधिकारी व कामगार उपस्थित होते.