चंद्रकांत गायकवाड यांना बेस्ट राष्ट्रीय पत्रकारिता पुरस्कार जाहीर

पाथर्डी तालुक्यातील श्रीक्षेत्र हनुमान टाकळी येथील पत्रकार चंद्रकांत अर्जुनराव गायकवाड यांना ठाणे-कल्याण येथील ज्ञानरचना सोशल फाऊंडेशनच्या वतीने  पत्रकारिता क्षेत्रात ग्रामीण भागांत उत्कृष्ट कार्याबद्दल देण्यात येणारा ‘बेस्ट राष्ट्रीय पत्रकारिता’ पुरस्कार  जाहीर झाला आहे.

या पुरस्काराचे वितरण रविवार दि. 26 मे रोजी पणजी येथील कन्वेंशन सेंटर माला पणजी गोवा येथे पद्मश्री उमाकांत पांडे, मराठी सिने अभिनेत्री आशु सुरपूर यांच्या हस्ते होणार आहे.

ग्रामीण भागात शेती व शेतकरी संबंधाने तसेच धार्मिक स्थळांचे प्रकाशित झालेल्या बातम्यांचे अवलोकन करून निवड समितीने या पुरस्काराची घोषणा केली असल्याची माहिती ज्ञानरचना सोशल फाउंडेशनचे कार्यकारी संचालक प्रवीण साळवे यांनी दिली आहे.

चंद्रकांत गायकवाड यांना पुरस्कार जाहीर झाल्याबद्दल त्यांचे आमदार मोनिका राजळे, तारकेश्वर गडाचे महंत आदिनाथ महाराज शास्त्री, राम महाराज झिंजूर्के, समर्थ हनुमान देवस्थानचे अध्यक्ष रमेशआप्पा महाराज, रेणुकामाता मल्टिस्टेटचे अध्यक्ष डॉ. प्रशांत भालेराव व मित्रपरिवाराकडून अभिनंदन केले आहे.