शेवगाव तालुक्यात आढळले 11 कोरोना बाधित

शुक्रवार दि. 9 ऑक्टोबर रोजी शेवगाव शहरासह तालुक्यात 11 कोरोना बाधित आढळले. तालुक्यातील आकडेवारी कमी होवू लागल्या समाधान व्यक्त केले जात आहे.

शेवगाव तालुक्यातील गावागावांत ‘माझे कुटुंब माझी जबाबदारी’ मोहिमेअंतर्गत तपासणी मोहिम राबविली जात आहे. घरोघर जावून तपासणी केली जात असल्याने बाधित रुग्णांवर वेळेवर उपचार होत आहे. यामुळे नागरिकांत होणारा संसर्ग मंदावल्याचे पहायला मिळत आहे.

आज शुक्रवार दि. 9 ऑक्टोबर रोजी तालुक्यातील 44 जणांनी कोरोनावर मात केली असून त्यांना डिस्चार्ज देण्यात आला आहे. आज शेवगाव शहरासह तालुक्यातील प्राथमिक आरोग्य केंद्रावर 71 जणांची तपासणी करण्यात आली. यामध्ये 60 जणांचे अहवाल निगेटिव्ह तर 11 जणांचे अहवाल पॉझिटिव्ह आले आहेत.

आज पॉझिटिव्ह आढळलेल्या रुग्णांमध्ये शेवगाव शहर 8, चापडगाव 1, दहिगावने 1, भातकुडगाव 1 अशा 11 रुग्णांचा समावेश आहे.

नागरिकांना विनाकारण घराबाहेर पडू नये, घराबाहेर जातांना तोंडाला मास्क लावावा व सोशल डिस्टन्सिंग नियमाचे पालन करावे, तसेच तालुक्यातील सर्व प्राथमिक आरोग्य केंद्र व उपजिल्हा ग्रामीण रुग्णांलयात रॅपिड अँटीजन तपासणी करण्यात येत आहे. तरी नागरिकांनी लक्षणे आढळल्यास तपासणी करून घ्यावी, असे आवाहन आरोग्य विभागाच्यावतीने करण्यात आले आहे.