शेवगाव पत्रकार संघाच्या पदाधिकारी निवडी जाहीर

शेवगाव तालुका पत्रकार संघाच्या अध्यक्षपदी कैलास बुधवंत यांची तर सचिवपदी सचिन सातपुते यांची निवड झाली आहे. पत्रकार संघाच्या नुतन पदाधिका-यांच्या निवडीसाठी तालुक्यातील पत्रकारांची बैठक शेवगाव येथे संपन्न झाली. त्यामध्ये सर्वानुमते तालुकाध्यपदी बुधवंत यांची तर सचिवपदी सातपुते यांची निवड घोषीत करण्यात आली.

बैठकीमध्ये निवडण्यात आलेली तालुका पत्रकार संघाची कार्यकारीणी याप्रमाणे तालुका उपाध्यक्ष बाळासाहेब बर्गे, नानासाहेब चेडे, सचिव सचिन सातपुते, कार्याध्यक्षपदी अनिल कांबळे, सह.सचिवपदी रामेश्वर तांबे यांची निवड करण्यात आली. तर इलेक्ट्राँनिक मिडीयाच्या तालुकाध्यपदी संदिप देहाडराय, उपाध्यपदी राजू श्रीवास्तव, सचिवपदी अलीम शेख तर सह.सचिवपदी रामनाथ रुईकर यांची निवड करण्यात आली.

तर पत्रकार संघाचे मार्गदर्शक म्हणून विजय जोशी, सुनिल आढाव, ,महादेव दळे, राजू घुगरे, संजय सुपेकर, विजयकुमार लड्डा, बाळासाहेब खेडकर, उध्दव देशमुख, अनिल खैरे, रणजीत घुगे यांची निवड करण्यात आली.

बुधवार ता.६ जानेवारी रोजी सकाळी १० वाजता आचार्य बाळशास्त्री जांभेकर व पत्रकार दिनाचे औचित्य साधून तालुक्यातील भगवान देशपांडे, जगन्नाथ गोसावी व याकुब शेख या ज्येष्ठ पत्रकारांचा जीवन गौरव पुरस्कार देवून मा.आ.चंद्रशेखर घुले, जनशक्ती विकास आघाडीचे संस्थापक अँड. शिवाजीराव काकडे यांच्या हस्ते सन्मानित करण्यात येणार आहे.

तसेच पत्रकार संघाच्या वतीने कोरोना काळात विशेष योगदान देणा-या व्यक्ती व संस्थांचा विशेष गुणगौरव देवून सन्मान करण्यात येणार आहे. त्यामध्ये माहेश्वरी समाज मंडळ, इन्सानियत फांऊडेशन, आरोग्य अधिकारी अतुल शिरसाठ, पो.ना.राजू चव्हाण, चित्रकार शितलकुमार गोरे, उदयोजक महेश बोडखे आदींचा समावेश आहे. या सर्व कार्यक्रमासाठी उपस्थित राहण्याचे आवाहन बुधवंत व सातपुते यांनी केले आहे.