तुम्हाला हे माहित आहे का? चिप्सच्या पॅकेटमध्ये हवा का भरतात

प्रत्येकाला हलके-फुलके आणि चटपटीत पदार्थ खायला आवडतात. काही जणांना हे चिप्स ऑईली आणि अनहेल्दी वाटतात.

मात्र या चिप्सच्या पॅकेटमध्ये चिप्स पेक्षा जास्त तर हवाच भरलेली असल्याचे आपल्याला दिसते.

तर हे का केलं जातं? असा प्रश्न तुम्हाला नेहमी नक्की पडत असणार. या हवा भरलेल्या पॅकेटला पाहुन काहीजन विचार करतात की, पॅकेटच वजन वाढवण्यासाठी ही हवा भरली जात असावी.

हे असं का केलं जातं याचं उत्तर असं आहे की, चिप्सच्या पॅकेटमध्ये जी हवा भरलेली असते, त्या हवेत ऑक्सीजन नसून नायट्रोजन भरलेला असतो.

चिप्सच्या पॅकेटमध्ये नायट्रोजन यासाठी भरला जातो कारण, बाहेर उघड्या हवेत कोणताही पदार्थ ठेवलात तर तो खराब किंवा नरम होतो. तर काही पदार्थ जसे फळं आणि भाज्या काळे पडतात.

हवेतील ऑक्सीजन आणि पदार्थ यांच्यात होणार्‍या केमीकल रीअ‍ॅक्शनमुळे हे घडते. एवढच काय तर ऑक्सीजनच्या संपर्कात एखादा धातू देखील आला तरी त्याला गंज लागतो.

यामुळे या पॅकेट्समध्ये नायट्रोजन भरलेला असतो. ज्यामुळे चिप्स हे कुरकुरीत, फ्रेश आणि चविष्ट राहतात.

समजा जर चिप्सच्या पॅकेटमध्ये हवा भरलेली नसेल तर, फॅक्ट्रीमधून चिप्स तुमच्या हातात येईपर्यंत त्याचा पूर्ण चुरा झाला असता, आणि असे चुरा झालेले चिप्स खायला कोणालाच आवडत नाही.