मंत्री शंकरराव गडाख कोरोना पॉझिटिव्ह

राज्यात कोरोना बाधितांची संख्या दिवसेंदिवस वाढत चालला असून काही दिवसापासून राज्यातील मंत्री व त्यांच्या कुटुंबांना कोरोनाची लागण झाल्याच्या घटना समोर आल्या आहेत.

त्यातच अहमदनगर जिल्ह्यातील राज्याचे मृद आणि जलसंधारण मंत्री शंकरराव गडाख हे कोरोना पॉझिटिव्ह आले असून त्यांनी याबाबत फेसबुकवर व ट्विट करून माहिती दिली आहे.

याबाबत मंत्री शंकरराव गडाख यांनी म्हटले आहे की, माझा कोरोना तपासणी अहवाल पॅाझिटिव्ह आल्यामुळे मी डॉक्टरांच्या सल्ल्याने गृहविलगिकरणांत आहे. माझ्या संपर्कात आलेल्यांनी काळजी घ्यावी आणि टेस्ट करून घ्यावी, असे आवाहन त्यांनी केले आहे.

सर्वाना विनंती आहे की, शासनाच्या सूचनांचे पालन करावे,आपल्या घरातील सदस्यांची काळजी घ्यावी, मास्क वापरा, विनाकारण घराबाहेर पडू नका, असे म्हटले आहे.

उस्मानाबाद जिल्ह्याचे पालकमंत्री तसेच राज्याचे मृद आणि जलसंधारण मंत्री शंकरराव गडाख हे कोरोना पॉझिटिव्ह आले आहेत.

उस्मानाबाद जिल्ह्यात कोरोना संकट असताना देखील पालकमंत्री गायब असल्याने टीका होत होती. गडाख हे 26 जानेवारी जिल्हा नियोजन समितीच्या बैठकीनंतर उस्मानाबाद जिल्ह्यात आले नव्हते. त्यामुळे त्यांच्यावर टीका होत होती.

तर दुसरीकडे भाजपने पालकमंत्री गडाख यांनी उस्मानाबाद जिल्हा दौर्‍यावर यावे, असे पत्रक काढले होते.