आज नगर जिल्ह्यातील डिस्चार्ज रुग्णही तीन हजारी पार

जिल्ह्यात आज शुक्रवारी 3790 कोरोना बाधित आढळल्यानंतर सायंकाळी तब्बल 3023 रुग्णांनी कोरोनावर मात केल्याने त्यांना रुग्णालयातून डिस्चार्ज देण्यात आला. यामुळे आता बरे झालेल्या रुग्णांची एकूण संख्या 1 लाख 27 हजार 713 इतकी झाली आहे.

रुग्ण बरे होण्याचे जिल्ह्यातील प्रमाणात कालच्या पेक्षा घट होऊन ते आता 83.89 टक्के इतके झाले आहे. यामुळे सध्या उपचार सुरू असणार्‍या रुग्णांची संख्या आता 22 हजार 802 इतकी झाली आहे.

दिवसेंदिवस कोरोना बाधितांच्या वाढत्या संख्येमुळे चिंता व्यक्त केली जात असतांना आज मोठ्या प्रमाणात रुग्णांनी कोरोनावर मात केल्याने त्यांना डिस्चार्ज देण्यात आला आहे.

आज डिस्चार्ज मिळालेल्या रुग्णामध्ये मनपा 718, अकोले 113, जामखेड 46, कर्जत 199, कोपरगाव 166, नगर ग्रामीण 271, नेवासा 151, पारनेर 126, पाथर्डी 141, राहाता 284, राहुरी 136, संगमनेर 167, शेवगाव 149, श्रीगोंदा 61, श्रीरामपूर 177, कॅन्टोन्मेंट 90 आणि इतर जिल्हा 28 अशा रुग्णांचा समावेश आहे.

यामुळे बरे झालेली रुग्ण संख्या तब्बल 1 लाख 27 हजार 713 वर पोहोचली आहे. तर सध्या 22 हजार 802 रुग्णांवर उपचार सुरू आहेत. तर आजपर्यंत 1721 जणांचा कोरोनाने मृत्यू झाल्याची नोंद आहे.

नागरिकांनी कोरोना विषयी असलेली भिती दूर करून धाडसाने उपचार करून घेतल्यास आपण कोरोनाला हरवू शकतो हे या आकडेवारेतून समोर आले आहे.

यामुळे नागरिकांनी वेळेवर उपचार घ्यावेत, नियमित मास्क वापरावा व शासनाने जाहीर केलेले निर्बंध पाळावेत, असे आवाहन करण्यात आले आहे.