लेह-लडाख सीमेवर कर्तव्यावर असणार्या जवानाला वीरमरण
माका गावावर शोककळा । मंगळवारी होणार अंत्यसंस्कार
इंडो तिबेटीयन बॉर्डर पोलीस फोर्समध्ये कार्यरत असलेले नेवासा तालुक्यातील माका गावाचे भूमिपुत्र जवान नवनाथ रभाजी भुजबळ (वय 35) हे लेह -लडाख सीमेवर कर्तव्यावर असताना हृदविकारने त्यांचे निधन झाले. या घटनेने माका गावावर शोककळा पसरली असून हळहळ व्यक्त होत आहे.
जवान नवनाथ भुजबळ यांचे कुटुंबियांनी दिलेल्या माहिती नुसार, नवनाथ हे 15 दिवसांपूर्वी माका येथून ड्युटीवर गेले होते. कालच त्यांची चंदीगडहुन लेह-लडाख येथे बदली झाली होती. लेह मधील त्यांचा ड्युटीचा आजचा पहिलाच दिवस होता.
आज सोमवारी दि. 10 मे रोजी सकाळी 6 वाजता सैन्य दलाकडून नवनाथच्या कुटुंबियांना मोबाईलवर फोन आला असता त्यांनी नवनाथचा हृदयविकाराच्या झटक्याने निधन झाल्याचे कळविले.
जवान नवनाथ भुजबळ यांचा मृतदेह श्रीनगरहुन विमानाने पुण्याला व पुण्याहुन लष्करी वाहनाने नेवासा तालुक्यातील माका या त्यांच्या गावी आणण्यात येणार आहे. तेथे त्यांच्यावर शासकीय इतमात अंत्यसंस्कार करण्यात येणार आहेत.
जनाव नवनाथ भुजबळ यांच्या पश्चात आई, वडील, पत्नी, दोन मुले, एक भाऊ असा परिवार आहे. जवान नवनाथ भुजबळ यांच्या निधनाने माका गावावर शोककळा पसरली आहे.
अंत्यविधी उद्या मंगळवारी (दि. 11 मे) रोजी दुपारी नेवासा तालुक्यातील माका येथील भुजबळ वस्तीवर होणार आहे.
जवान नवनाथ भुजबळ यांचे कुटुंबियांनी दिलेल्या माहिती नुसार, नवनाथ हे 15 दिवसांपूर्वी माका येथून ड्युटीवर गेले होते. कालच त्यांची चंदीगडहुन लेह-लडाख येथे बदली झाली होती. लेह मधील त्यांचा ड्युटीचा आजचा पहिलाच दिवस होता.
आज सोमवारी दि. 10 मे रोजी सकाळी 6 वाजता सैन्य दलाकडून नवनाथच्या कुटुंबियांना मोबाईलवर फोन आला असता त्यांनी नवनाथचा हृदयविकाराच्या झटक्याने निधन झाल्याचे कळविले.
जवान नवनाथ भुजबळ यांचा मृतदेह श्रीनगरहुन विमानाने पुण्याला व पुण्याहुन लष्करी वाहनाने नेवासा तालुक्यातील माका या त्यांच्या गावी आणण्यात येणार आहे. तेथे त्यांच्यावर शासकीय इतमात अंत्यसंस्कार करण्यात येणार आहेत.
जनाव नवनाथ भुजबळ यांच्या पश्चात आई, वडील, पत्नी, दोन मुले, एक भाऊ असा परिवार आहे. जवान नवनाथ भुजबळ यांच्या निधनाने माका गावावर शोककळा पसरली आहे.
अंत्यविधी उद्या मंगळवारी (दि. 11 मे) रोजी दुपारी नेवासा तालुक्यातील माका येथील भुजबळ वस्तीवर होणार आहे.
