नगर जिल्ह्याला काही अंशी दिलासा

आज सोमवारी नगर जिल्ह्याला काही अंशी दिलासा मिळाला असून रविवारच्या तुलनेत आज आढळलेल्या कोरोना बाधितांच्या आकडेवारीत घट झाली आहे. आज सोमवारी जिल्ह्यात एकुण 460 कोरोना बाधित आढळले.

काही दिवसापासून कोरोना बाधितांच्या आकडेवारीत कधी घट तर कधी वाढ होत आहे. रविवारी तब्बल 758 कोरोना बाधित आढळल्यानंतर आज सोमवारी 460 कोरोना बाधित आढळले. आकडेवारीत घट झाल्याने नगरकरांना काही अंशी दिलासा मिळाला आहे.

आज सोमवारी आढळलेल्या कोरोना बाधितांच्या आकडेवारीत पुन्हा पारनेर तालुका टॉपवर आला असून रविवारच्या तुलनेत पारनेर व जामखेड तालुक्यातील आकडेवारीमध्ये वाढ झाली आहे. तर जिल्ह्यातील इतर तालुक्यांच्या आकडेवारीत घट झाली आहे.

यामुळे नागरिकांना काही अंशी दिलासा मिळत असून नागरिकांनी नियमाचे पालन करावे. नियमित मास्क वापरावा, सोशल डिस्टन्सिंग नियमाचे पालन करावे, नियमित हात स्वच्छ धुवावे, असे आवाहन करण्यात येत आहे.

आज रविवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 02, खाजगी प्रयोगशाळेतील तपासणी अहवालात 214 तर अँटीजेन चाचणीत 244 असे 460 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- पारनेर 81, जामखेड 56, कर्जत 49, शेवगाव 43, नेवासा 39, पाथर्डी 39, श्रीगोंदा 31, संगमनेर 28, कोपरगाव 25, श्रीरामपूर 20, राहुरी 16, नगर शहर 11, राहाता 08, अकोले 06, नगर ग्रामीण 06, भिंगार 01, इतर जिल्हा 01 असे कोरोना बाधित आढळून आले.