वाढता वाढे कोरोना बाधितांचा आकडा

अहमदनगर जिल्ह्यातीेल कोरोना बाधितांच्या आकडेवारीत आज शनिवारी लक्षणीय वाढ झाली आहे. आज जिल्ह्यात एकुण 852 कोरोना बाधित आढळले. वाढत्या कोरोना बाधितांमुळे चिंता व्यक्त केली जात आहे.

आज आढळलेल्या बाधितांमध्ये श्रीगोंदा तालुका टॉपवर आला असून दुसर्‍या स्थानावर संगमनेर व तृतीय स्थानावर पारनेर तालुके राहीले आहे. या तीनही तालुक्यांची आकडेवारी शंभरच्या पुढे आहे, यामुळे चिंता व्यक्त केली जात आहे.

मागील काही दिवसापासून कोरोना बाधितांची आकडेवारी घटत चालली होती. मात्र आज शनिवारी एकुण बाधितांचा आकडा वाढला आहे. नागरिकांनी शासनाने ठरवून दिलेल्या नियमाचे पालन करावे. नियमित मास्क वापरावा, सोशल डिस्टन्सिंग नियमाचे पालन करावे, नियमित स्वच्छ हात धुवावे, असे आवाहन करण्यात येत आहे.

आज शनिवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 361, खाजगी प्रयोगशाळेतील तपासणी अहवालात 233 तर अँटीजेन चाचणीत 258 असे 852 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- श्रीगोंदा 162, संगमनेर 160, पारनेर 109, अकोले 61, राहाता 52, पाथर्डी 50, नेवासा 43, कर्जत 38, नगर ग्रामीण 35, शेवगाव 30, नगर शहर 20, जामखेड 19, कोपरगाव 15, इतर जिल्हा 13, श्रीरामपूर 10 असे कोरोना बाधित आढळून आले.