अकोलेची चिंता वाढली

अहमदनगर (Ahmednagar) जिल्ह्यात आढळलेल्या कोरोना (corona) बाधितांच्या आकड्यात शनिवारच्य तुलनेत घट झाली आहे. आज रविवारी जिल्ह्यात एकुण 765 कोरोना बाधित आढळले आहेत. आज अकोले (Akole) तालुका टॉपवर असून चिंता वाढली आहे.

आज आढळलेल्या बाधितांमध्ये अकोले (Akole) तालुका टॉपवर आला आहे. तर नेहमी शंभरच्या पुढे असलेले संगमनेर (sangamner), पारनेरची (Parner) आकडेवारी शंभरच्या आत आली आहे. तसेच एकुण आकडेवारीतही घट झाल्याने काही प्रमाणात दिलासा मिळत आहे, मात्र चिंता कायम आहे.

गेल्या दोन - तीन दिवसापासून कोरोना बाधितांची आकडेवारी वाढत असतांना आज एकुण आकडेवारीत घट झाली आहे. मात्र धोका कायम असून कोरोना बाधितांचा आकडा कमी करण्यासाठी प्रत्येकाने शासनाने ठरवून दिलेल्या नियमाचे पालन करावे.

आज रविवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 07, खाजगी प्रयोगशाळेतील तपासणी अहवालात 402 तर अँटीजेन चाचणीत 356 असे 765 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- अकोले 118, संगमनेर 94, कर्जत 69, नगर ग्रामीण 62, नेवासा 55, पारनेर 51, शेवगाव 45, कोपरगाव 42, राहाता 42, राहुरी 41, पाथर्डी 36, श्रीगोंदा 34, श्रीरामपूर 26, नगर शहर 24, जामखेड 14, इतर जिल्हा 10, भिंगार 02 असे कोरोना बाधित आढळून आले.