काळजी घ्या ः कोरोना बाधितांचा आकडा वाढतोय

गेल्या दोन दिवसापासून कोरोना बाधितांच्या आकडेवारीत घट होत असतांना आज रविवारी एकुण आकडेवारीत पुन्हा वाढ झाली आहे. आज रविवारी जिल्ह्यात एकुण 447 कोरोना बाधित आढळले. संगमनेरसह तब्बल 10 ठिकाणच्या आकडेवारीत वाढ झाली आहे.

आज आढळलेल्या आकडेवारीत संगमनेर तालुका पुन्हा टॉपवर आला असून संगमनेरची आकडेवारी पुन्हा शंभरी पार गेली आहे. तसेच जिल्ह्यातील राहाता, श्रीगोंदा, पारनेर, कोपरगाव, राहुरी, नगर शहर, शेवगाव, श्रीरामपूर, मिलटरी हॉस्पिटल येथील आकडेवारीत वाढ झाली आहे.

आज रविवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 145, खाजगी प्रयोगशाळेतील तपासणी अहवालात 226 तर अँटीजेन चाचणीत 76 असे 447 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- संगमनेर 107, राहाता 45, श्रीगोंदा 44, पारनेर 37, कोपरगाव 32, राहुरी 27, नगर शहर 26, नगर ग्रामीण 25, शेवगाव 22, कर्जत 17, अकोले 11, श्रीरामपूर 12, पाथर्डी 11, नेवासा 10, मिलटरी हॉस्पिटल 07, इतर जिल्हा 07, जामखेड 06, भिंगार 01 असे कोरोना बाधित आढळून आले.

दोन दिवसापासून कोरोना बाधितांचा आकडा घटत असतांना आज पुन्हा हळू हळू वाढ होत असल्याने चिंता व्यक्त केली जात आहे. नागरिकांनी शासनाने ठरवून दिलेल्या नियमांचे पालन करावे, असे आवाहन करण्यात येत आहे.