कोरोना बाधितांचा आकडा निच्चांकी स्तरावर

मागील काही दिवसापासून अहमदनगर जिल्ह्यातील कोरोना बाधितांची आकडेवारी झपाट्याने कमी होत आहे. आज नगर जिल्ह्यातील कोरोना बाधितांनी निच्चांकीस्तर गाठल्याने समाधान मिळत आहे. आज रविवारी जिल्ह्यात एकुण 140 कोरोना बाधित आढळले.

आज रविवारी आढळलेल्या बाधितांचा आकडा शनिवारच्या तुलनेत 100 ने घटला आहे. यामुळे समाधानकार वातावरण निर्माण झाले आहे. आज आढळलेल्या बाधितांमध्ये श्रीगोंदा तालुका पहिल्या क्रमांकावर आहे. मात्र ही आकडेवारी 33 एवढी आहे.

तर पारनेर 14, संगमनेर 14 व कर्जत 12 अशी आकडेवारी आहे तर इतर ठिकाणची आकडेवारी 8 च्या आत आहे. तसेच भिंगारची आकडेवारी आजही शुन्यावर असल्याने समाधान मिळत आहे.

काल शनिवार पर्यंत जिल्ह्यात तब्बल 3 लाख 53 हजार 362 जणांना कोरोनाची लागण झाली होती. यापैकी तब्बल 3 लाख 44 हजार 889 जणांनी कोरोनावर मात केली आहे. तर उपचार सुरू असतांना तब्बल 7 हजार 3 जणांचा मृत्यू झाल्याची नोंद पोर्टलवर झाली आहे. तर सध्या उपचार सुरू असलेल्या रुग्णांची संख्या 1 हजार 470 एवढी झाली आहे.

आज रविवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 78, खाजगी प्रयोगशाळेतील तपासणी अहवालात 28 तर अँटीजेन चाचणीत 34 असे 140 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- श्रीगोंदा 33, पारनेर 14, संगमनेर 14, कर्जत 12, नगर ग्रामीण 8, राहाता 8, शेवगाव 8, राहुरी 7, कोपरगाव 6, नेवासा 6, इतर जिल्हा 5, जामखेड 4, श्रीरामपूर 4, इतर जिल्हा 3, अकोले 2, नगर शहर 2, मिलटरी हॉस्पिटल 2, पाथर्डी 2 असे कोरोना बाधित आढळून आले.

कोरोना बाधितांचा आकडा कमी होत असल्याने समाधान व्यक्त होत आहे. मात्र बाधितांचा आकडा कमी होत असला तरी शासनाने ठरवून दिलेल्या नियमांचे पालन करणे गरजेचे आहे. यामध्ये नियमित मास्क लावावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लस घ्यावी, असे आवाहन करण्यात येत आहे.