कोरोना बाधितांमध्ये नगर शहर टॉप वर

मागील दोन-तीन दिवसापासून पारनेर येथील कोरोना बाधितांचा आकडा वाढत असल्याने चिंता व्यक्त केली जात होती. मात्र आज पारनेर तालुक्यातील आकडेवारी शुन्य असल्याने दिलासा मिळाला आहे.

अहमदनगर जिल्ह्यात आज बुधवारी एकुण 26 कोरोना बाधित आढळल्याने काही अंशी दिलासा मिळत आहे. मात्र नगर शहरातील आकडा 12 एवढा आहे. एकुण आकडेवारीच्या सुमारे निम्मी आकडेवारी नगर शहरातील असल्याने चिंता व्यक्त केली जात आहे.

आज गुरुवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 5, खाजगी प्रयोगशाळेतील तपासणी अहवालात 16 तर अँटीजेन चाचणीत 5 असे 26 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- नगर शहर 12, कर्जत 2, नगर ग्रामीण 2, नेवासा 2, शेवगाव 2, जामखेड 1, पाथर्डी 1, राहाता 1, संगमनेर 1, श्रीगोंदा 1, श्रीरामपूर 1 असे कोरोना बाधित आढळून आले. तर अकोले, कोपरगाव, पारनेर, राहुरी, भिंगार, इतर जिल्हा व इतर राज्य येथील आकडेवारी शुन्यांवर आहे.

आपल्या परिसरात कोरोना बाधितांचा आकडा कमी असला तरी काळजी घेण्याची गरज निर्माण झाली आहे. यामुळे नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.