नवीन वर्षाचा पहिला दिवस दिलासादायक

शुक्रवारी कोरोना बाधितांचा आकडा वाढल्यानंतर चिंता व्यक्त केली जात होती. मात्र शनिवारी निम्म्याने घट झाल्याने नगरकरांना काही अंशी दिलासा मिळाला आहे. शनिवारी जिल्ह्यात एकुण 34 कोरोना बाधित आढळले.

आज आढळलेल्या बाधितांमध्ये सर्वाधिक रुग्ण नगर शहरात आढळले असून त्या खालोखाल श्रीरामपूर, श्रीगोंद्याचा क्रमांक लागतो. मात्र येथील आकडेवारी 6 च्या आत असल्याने दिलासा मिळत आहे.

आज शनिवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 6, खाजगी प्रयोगशाळेतील तपासणी अहवालात 25 तर अँटीजेन चाचणीत 3 असे 34 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- नगर शहर 6, श्रीरामपूर 5, श्रीगोंदा 4, अकोले 3, कोपरगाव 2, इतर जिल्हा 2, शेवगाव 2, नगर ग्रामीण 1, जामखेड 1, नेवासा 1, इतर राज्य 1, पारनेर 1, पाथर्डी 1, राहाता 1, संगमनेर 1, भिंगार 1, राहुरी 1 असे कोरोना बाधित आढळून आले. तर कर्जत व मिलटरी हॉस्पीटल येथील आकडेवारी शुन्यांवर आहे.

नागरिकांनी नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे व कोरोना प्रतिबंधक लसीकरण करून घ्यावे, असे आवाहन करण्यात येत आहे.