इंदोरीकर महाराज यांच्या स्कार्पिओचा अपघात

प्रबोधनकार निवृत्ती महाराज देशमुख (इंदोरीकर) यांच्या गाडीला बुधवारी रात्री 8.30 वाजेच्या सुमारास परतूर येथे अपघात झाला. या अपघातात गाडीचा चालक किरकोळ जखमी झाला आहे.

निवृत्ती महाराज इंदोरीकर हे काल बुधवारी जालना जिल्ह्यातील खांडवीवाडी येथे किर्तनसाठी जातांना हा अपघात झाला. सुदैवाने इंदोरीकर महाराज यांना कुठलीही ईजा झाली नाही.

याबाबत समजलेली माहिती अशी की, बुधवार दि. 13 रोजी इंदोरीकर महाराज कीर्तनसेवेसाठी जालना जिल्ह्यातील खांडवीवाडी येथे स्कर्पिओने (क्र. एमएच 12, टीवाय 1744) चालले होते. दरम्यान रात्री 8.30 वाजेच्या सुमारास परतूर येथील एका वळणावर त्यांच्या स्कार्पिओची लाकडाची वाहतूक करणार्‍या ट्रक्टरला धडक बसली.

या अपघातात स्कार्पिओ चालक संजय गायकवाड किरकोळ जखमी झाला तर इंदोरीकर महाराज यांना सुदैवाने कोणतीही इजा झाली नाही. जखमी चालकाला उपचारासाठी खाजगी रुग्णालयात दाखल करण्यात आले.

अपघाताची माहिती कळताच पोनि. शामसुंदर कौठाळे यांनी घटनास्थळी धाव घेत मदतकार्य केले.