उत्कर्षा रुपवते यांचा काँग्रेस प्रवक्ते पदाचा राजीनामा

महाराष्ट्र प्रदेश काँग्रेस कमिटीच्या महासचिव व राज्य महिला आयोगाच्या सदस्या उत्कर्षा रुपवते यांनी काँग्रेसच्या प्रवक्ते पदाचा राजीनामा दिला आहे.पक्षाध्यक्ष नाना पटोले यांच्याकडे त्यांनी आपला राजीनामा सुपूर्त केला आहे.

काँग्रेस पक्षाच्या उदयपूर येथे नुकत्याच झालेल्या नव संकल्प शिबिरात ‘एक व्यक्त एक पद’ हा ऐतिहासिक निर्णय घेण्यात आला. या निर्णयानुसार काँग्रेस पक्षात काम करतांना ज्यांच्याकडे एकापेक्षा जास्त पदे आहेत त्यांना एक पद वगळून इतर पदे सोडावी लागणार आहेत.

उत्कर्षा रुपवते यांचेकडे काँग्रेस कमिटीचे महासचिव व प्रवक्ते अशी दोन पदे आहेत. उदयपूर येथील ठरावानुसार यांनी आपल्या काँग्रेस प्रवक्ते पदाचा राजीनामा देण्याचा निर्णय घेत प्रदेशाध्यक्ष नाना पटोले यांचेकडे राजीनामा सुपूर्त केला आहे.

राजीनामा दिल्यानंतर उत्कर्षा रूपवते म्हणाल्या की, पक्षाच्या उदयपूर येथील नव संकल्प शिबिरात ‘एक व्यक्ती, एक पद’ हा ऐतिहासिक निर्णय घेतला आहे. त्यामुळे मी आपला पक्षाच्या प्रवक्ते पदाचा राजीनामा दिला आहे.

प्रदेश काँग्रेस कमिटीच्या महासचिव म्हणून पक्ष संघटनेसाठी मी कटिबद्ध होते व यापुढेही सदैव राहील, असे राजीनामा पत्रात उत्कर्षा रुपवते यांनी म्हटले आहे.