शेवगावात पाकिस्तानचा ध्वज जाळून निषेध

जी-20 शिखर परिषदेत पंतप्रधान नरेंद्र मोदी व राष्ट्रीय स्वयंसेवक संघाबाबत पाकिस्तानचे परराष्ट्रमंत्री बिलावल भुट्टो यांनी आक्षेपार्ह वक्तव्याच्या निषेधार्थ शेवगाव भाजपाकडून पाकिस्तानचा ध्वज जाळून निषेध करण्यात आला.

यावेळी परराष्ट्र मंत्री बिलावल भुट्टो यांच्या प्रतिमेला व ध्वजाला चपला मारुन निषेध करण्यात आला. हे आंदोलन शेवगाव शहरातील क्रांती चौकात भाजपाचे जिल्हाध्यक्ष अरुण मुंढे यांच्या नेतृत्वात करण्यात आले.

यावेळी भाजपाचे शेवगाव तालुकाध्यक्ष ताराचंद लोढे, शहराध्यक्ष रवींद्र सुरवसे, सरचिटणीस भीमराज सागडे, भाजपा जिल्हा प्रसिद्धी प्रमुख गुरुनाथ माळवदे, बाळासाहेबांची शिवसेना तालुकाध्यक्ष आशितोष डहाळे, नगराध्यक्ष विनोद मोहिते, नगरसेवक अंकुश कुसळकर, नगरसेवक गणेश कोरडे, नगरसेवक दिगंबर काथवटे, डॉ. धीरज लांडे, जगदीश धूत, ओबीसी युवा मोर्चा जिल्हाध्यक्ष अशोक गाढे, तापडिया महाराज, मुस्साभाई शेख, कल्याण जगदाळे, अमोल काटे, अशोक ससाणे, अर्जुन ढाकणे, तुकाराम थोरवे, शिवाजी दहिफळे, भाजपा तालुका उपाध्यक्ष उमेश धस, मंगेश पाखरे, जिल्हा सोशल मिडिया प्रमुख गणेश जायभाय, संदीप लांडगे, विशाल परदेशी, किरण वाघ, बाबासाहेब नाईक, अशोक भंडारी आदी कार्यकर्ते उपस्थित होते.